Duhî roja duşemê pêşengeheka fotogarafî ya wêneyên eşkencedana hovane û rêbazkirî ya ku rêjîma Esed derheqê gelê Sûriyê di hindur zîndan û girtîgehan de pêk tîne, li Niyowork di hola kongireyan ya başûr de di bargehê Netewên Yekgirtî de hat vekirin.
Ku wê pêşengeh bidomîne heta 20 adarê, bi çavdêriya şandên diplobamatkarên heryek ji Birêtaniya û Firensa û Qeter û Si’ûdiyê û Tirkiya û Amerîka, û vekirina pêşengehê hevdem tê digel derbasbûna şoreşa Sûriyê di sala xweya pêncan de û di pêşengehê de bi belgeyên rasterast hovîtiya rêjîma Esed û kiryarên kuştarên bikomel derheqê Sûriyan de têne xuyakirin.
Hêjaye ku 30 wêne hatine nimayîş kirin ji 55 hezar wêneyan ku hatine girtin ji aliyê efserekî cudabûyî ve ku tê naskirin bi navê “Qeyser” di navbera sala 2011an û heta nîvê sala 2013an, ku bi rêka van wêneyan mirina 11 hezar kes di girtîgehên rêjîmê de hatine dîkomentkirin.
Tê zanîn ku ev sê carin li Amerîka ev wêneyên bi sehmûtirs tên nimiyaşkirin, ku di sala bûrî de hindek ji van wêneyan hatin pêşkêşkirin li mozexaneya Holokost li Waşinton.
Hêjayî gotinê ye ku Serokê Hevbendiya Niştimanî Nexem Elxadirî tekez kiribû ku “rêjîma Esed di kuştina Sûriyan de hemû tawanên terorîstî û hemû çek û alav bikar anîne, û tevlî bikaranîna eşkence û lêdanê di girtîgehan de di derheq girtiyên azadiyê de, û raporta dîdevan Qeyser ya ku wêneyan mirina 11 hezar girtî di girtîgehan de dîkomînt kiriye ku baştirîn belge ye li ser ku rêjîma Esed yekemîn terrorist e û wê rêxistina DAIŞ da çêkirin bi sedema çêkirina valehiya ewlekarî û herwiha ji ber azadkirina endamên rêxistina DAIŞ ji girtîgehên xwe”.
Têzanîn ku Hevbendiya Niştimanî di daxuyaniyeka xwe ya pêştgiriyê de daxwaz ji Civaka Navdewletî û ji Rêxistinên mafên mirov kiribû bi “danîna sînorekî ji tawanên Esed û ji çeteyên wî re di derheq girtiyên Sûrî de”, û di daxuyaniyê de hatibû ku “Civaka Navdewletî bi neavêtina gavên bilez di lêpirsîn û dadkirina Esed û damûdezgehên ewlekariya rêjîmê de, xwe dike pişkardar di tawankariyê de, û ev kar nayê pesendkirin û herwiha bênirxkirina jiyana miletan e”.
Jêder: Hevbendî+Wekalat
