Artêşa Azad kariye li ser çendîn aniyên şeran di Busra Elşam de li gundewarê Der’a pêş bikeve û çendîn xalên stratîjîk di hindur bajar de kontrol bike, herwiha û ligor daxuyaniya Ehmed Elcibawî endamê Hevbendiya Niştimanî ya Sûriyê; ku piştî qutkirina hêlên gihandina alîkariyê yên girêdayî bi parêzgeha Siwêda ve, artêşa Azad dorpêçkirinek mikom sepand li ser supahên pasdarên Iranê û mêlîşeyên tayifegerî û yên bergiriya niştimanî yên hevalbendên rêjîmê di hindur bajar de.
Elcibawî ji Horanê tekez kir, ku bajar ji aliyê hêzên Iranê û mêlîşeya Hizibulaha terorîst dagîrkirî ye , û ji roja yekşema bûrî ve Artêşa Azad dest bi şerekî dijwar kiriye û hêjî şer û pevçûn berdewam in û firokên şerker yên rêjîmê pênc caran êrîş li ser bajêr encamdane û çendîn bermîlên teqîner avêtine û bûne sedema herifandina nexweşxaneyeka meydanî li gundê Me’ireba û herfinadina çend xaniyan li gundê Cemrîn.
Elcebawî amaje kir ku destêwerdana Iranê neveşartiye û gihiştiye radeya dagîrkirinê, û em rojane axaftina wan dibehîzin, û me hejmarek ji wan dîl girtine tevlî hin ji regezin din.
Hevbendiya Niştimanî ji aliyê xwe ve di daxuyaniyek pêştir de tekez kiribû ku “hebûna supaya hêzên pasdarên Iranê di başûr û bakurê Sûriyê de eşkere û xuya ye, û ev dibe dagîrkirinek xuya û dijminkariyek bêşerm li ser Sûriya û herwiha dibe binpêkirinek ji belgename û yasayên navdewletî re”.
Hevbendiyê daxwaz ji “Encûmena Ewlekariyê kir bi derxistina biryareka ferzkirinê li ser rêjîma Iranê û wê neçar bike li ser vekeşandina hêzên xwe yên serbazî ji Sûriyê”, û tekez kir ku ” asoyên çareseriya siyasî di Sûriya de peyda nabin bi hebûna Irana dagîrker û mêlîşeyên tayifeperest yên kujer yên rêjîma Îranê piştgiriya wan dike”.
Jêder:Hevbendî
