Wezîrê derve yê Erebistana Si’ûdî, Si’ûd Elfeysel tekez kir ko tu rola Beşar Elesed di Sûriya nuha û ya paşerojê de nîn e. Ew axaftin di kongirê rojnamevanî yê bi wezîrê derve yê Birîtanî Filîp Holand re lidar xistibû kir, û Hamond jî rola Esed ret kir, ev gotin li pey daxuyaniya wezîrê derve yê Emerîkî Con Kêrî hat, ko gotibû giring e danûstandinê bi Esed re bikin.
Her wiha Elfeysel tekez kir ko Si’ûdiyê û Birîtanya her çareseriya aştiyane divên ko desteyeke Veguhêz damezirînin û bal kêşand ser ku: “tu rola Esed û çi kesên destên wan bi xwîna Sûriyan bûye di qonaxa veguhêz de nîn e”
Elfeysel bêtir got: ” bizav dibin ji bo çareseriyê li gora Cinêva 1 û piştgiriya berdewam ya Opozisyona Sûrî ya Çekar û netundrew dê bibe da hevkêşiyê li ser xakê pêk bînin.”
Her wiha Hîşam Merwa tekez kir ku”Esed tawankariyên cengê û qirkirina komel kirine, û çareserî li Sûriyê pêk nayê Eger ew ji desthilatê dûr nekeve.”
Her wiha Salim Elmislit berdevkê fermî yê Hevbendiyê dîsa tekez kir ko, rûxandina Rêjîmê û hemû berpirsiyarên tawankar yên ko tawankarî di mafê gelê Sûriyê de kirine, armanca Hevbendiyê ya serekî ye. Ew veguhastina desthilatdariyê ber bi rêjîmeke dîmuqratî piralî tê de azadî û mafê hemû pêkhatiyan parastî be.
jêder: Hevbendî+acans