Artêşa Azad piştî pênc rojan ji şer û pevçûnên dijwar, bajarê Busra Elşam li gundewarê Der’a kontrol kir, û hêzên pasdarên Iranê û mêlîşeyên tayifeperest û yên bergiriya niştimanî yên bi ser rêjîma Esed ve ji bajêr qewitandin, piştî qutkirina hêlên gihandina alîkariyan yên girêdayî bi parêzgeha Siwêda ve.
Hêjaye ku her ji roja şemiya bûrî ve artêşa azad şerek bi navê “Qadisiya Busra Elşam” ragihand bo rizgarkirina bajêr wek bîranînekê ji şerê Qadisiyê yê dîrokî re yê ku têde dawî li Embirotariya Farisî hat anîn.
Ji aliyê xwe ve berdevkê Hevbendiya Niştimanî Salim Elmislit bi bilindî “destkeftên berdewam yên Artêşa Azad nirxandin piştî rizgarkirina Busra Elşam li gundewarê Der’a, tevlî piştgiriya bêsînor ya pasdarên Iranê û mêlîşeya Hizibulaha terorîst ji rêjîma Esed re yên ku serkêşiya şer û pevçûnan dikin li ser hemû aniyan”.
Elmislit baweriya xwe bi hêzên şoreşê nû kir yên bervaniya Sivîlan û pabendiyê bi piransîp û rewştên şoreşê dikin û rêzê li peyman û sozên navdewletî digirin”, û tekezî li ser rola Hevbendiyê kir bi “helwestên xwe yên Siyasî yê neguhêr û pêgiriya wê bi piransîpên Şoreşê heta rûxandina rêjîmê”.
Herwiha Elmislit amaje kir ku Artêşa Azad “carek din şiyan û piransîpên xwe yên neguhêr dupat kirin, û tekez kir ku dikare serkeftinan bidest bîne bêyî dudilî û xemsariya Civaka Navdewletî, ku ew dest ji diruşmên şoreşê bernade heta rizgarkirina tevaya xaka welat û parastina miletê Sûriyê bi giştî ji tawankariyên rêjîma Esed û ji terora rêxistina DAIŞê”.
Jêder:Hevbendî
