Li berbanga îro; rêjîma Esed êrîşên tolhildanê li ser Idlibê û Elcîze li gundewarê Der’a pêk anîn , û ji encama wan êrîşan de 50 kes şehîd ketin ku piraniya wan jin û zarok bûn.
Salim Elmislit berdevkê Hevbendiya Niştimanî daxwaz ji dewletên Hevpeymaniya Navdewletî kir, bilezkirina sepandina qedexekirina firînê li ser esmanê parêzgeha Idlibê ji bona parastina sivîlan ji êrîşên tolvedanê yên rêjîma Esed û ya Irana dagîrker, yên li hember hêzên şoreşger şikestin.
Herwiha Elmislit daxwaz ji dewletên dostên gelê Sûriyê kir bo bicihkirina pilana avakirina du navçeyên tenah li bakur û başûrê Sûriyê û bi pirçekirina Artêşa Azad bi çekên pêşkeftî û yên cûreyî bo karîna parastina sivîlan ji êrîşên heryek ji rêjîma Esed û supaya pasdarên Iranê û çeteyên rêxistina DAIŞê.
Elmislist hişyarî da li ser pêkanîna rêjîma Esed ji kiryarên tolvekirinê li dijî bajarê Idlibê piştî rizgarkirina wê bi temamî, di dema ku Encûmena Asayîşa Navdewletî kir berpirs di ber parastina sivîl û navçeyên nişteciyan û saziyên dewletê de.
Hêjaye ku firokên şerkerên rêjîmê bi mûşekan êrîşî bajarê Idlibê kirin û bû sedema kuştina 32 sivîlan ji yek xêzanê ku pêk dihat ji bav û kur û nevî û mam û metikan.
Li aliyek din duhî otombêleka bombekirî di navenda bajarokê Elcîze de li rojhilatê parêzgeha Der’a hat teqandin. û bi kêmanî 15 sivîl şehîd ketin û hin ji wan zarok bûn û 40 kes birîndar bûn û bo nexweşxaneyên meydanî li Elcîze û dorûberên wê hatin veguhestin.
Welatiyan tekez kirin ku wêraniyek mezin ji encama teqîna otombîla bombekirî ya ku meydana giştî di nîva bajêr de ya hejmarek mezin ji sivîlan têde kom dibin armanckirbû.
Jêder:Hevbendî
