Cîgirê Serokê Hevbendiya Niştimanî Sûrî Mistefa Oso got: “Pêşveçûnên Meydanan û serkeftinên Şoreşgeran yên dawiyê li Bakur û Başûr li ser hêzên Çeteyên ko li Welat desthilatdarin, ew xurtbûneke din e di destê me de, da em qezencine siyasî yên din misoger bikin ko amanc û hêviyên miletê Sûrî di Sûriyeke azad de bê Esed û Çeteyên wî li paşeroja wê pêk bê”.
Oso tekez kir ko “Esed heta nuha tenê bweriyê bi çareserkirina leşkerî tîne. Ew hemû cûreyên tundî û zordariyê di derheqê miletê Sûrî de pêk tîne.” Bêtir got “ez texmîn nakim ko ev Rêjîm mîna hemû Rêjîmên diktator di cîhanê de çi siyaseteke nerim bide da welat ji evê rewşa bobelat derxîne.”
Di derbarê rawêjên dawiyê yên ko Şandyarê Navnetewî Yekbûyî Dî Mistora li Cinnêvê pêk anîn Cîgirê Serokê Hevbendiyê tekez kir ko ”Hevbendî bi çareserkirina siyasî pabend e, lê vexwendina Dî Mistora ji 40 layan re ji bo şêwirdariyan, dihêle ko bêtir cudabûn û jihevketin di navbera hêzên Opozisyonê de çê bibe beraber jî hevgirtina Rêjîmê bêtir pêk tê. ”
Oso got: “Dî Mistora, hin aliyên siyasî berz kirin bê ko hebûneke wan li ser xakê hebe û bawer nakim ko ev kirde xizmeta Gelê Sûriyê û Şoreşa wî bike, lê belê ew dê şerpeze kirin û cudabûneke mezin di navbera hêzên Opozisyonê de çê bike”.
Jêder: Hevbendî
