Berdevkê bi navê Hevbendiya Niştimanî Sûrî Salim El – Mislit tundî şermezariya xwe ragihand ji beşdriya (milişiyên Eniya Gelerî Bo Rizgarkirina Filestînê, serkirdayetiya giştî ya bi Ehmed Cibrîl ve girêdayî ye) bi Hêzên Esed û milişiyên Hizbillah yên tirorîst di helmeta leşkerî li ser bajarê Zebedanê li Gundewarê Şamê.
Ajansên nûçeyan perçeyin vîdyo ji şebîheyên ku bi milişiyên Cebrîl ve girêdayî ne weşandin,têde ew mîlîse Zebedanê li Gundewarê Şamê bumbebaran dikin û bi awayekî kirêt û beloq bang dikin ” Lebeyke ya Eqsa”. Û li gor Mislit wan mizgefta El – Eqsa li paş xwe hiştiye û berê xwe dane milletê Sûrî yê şoreşger, wî dikujin û malê wî talan dikin.
Berdevkê bi navê Hevbendiyê wisa ji Cibrîl re got: ” Ne rejîma Esed bû ku Sûrî ji te û hevalên te re kir penayek aram, lê belê milletê Sûrî bû, ew jî ne ji bo xatirê te, lê ji bo xatirê Filestîn û milletê wê yê hêja, ku ew di dilê her kesê Sûrî de ye, vêca cezaya vî milletê ji hêla te ve çi bû, dema ku dest bi şoreş û berxwedana xwe bo rizgarkirina ji rejîmeke ne kêmî ya Israîlê ye di kirêtiya xwe de- eger jê ne kirêtir be di hovîtiyê û rijandina xwînê de – kir, cezaya wî ew bû ku te hevalên xwe kirin milişiyên teşbîh û kuştinê di xizmeta sîxurên rejîma Esed de”.
El- Mislit tekez kir ku ” Gelek ji tevgerên Filestînê ên ku li Sûrî diman helwestek cihê serfiraziyê girtin – ku ji bilî wê tu helwest ji wan nayê hêvîkirin – , lê mixabin li hember wilo hindek ji wan – mîna hevalên Cibrîl – ji ser riya mêranî û lehengiyê dageriyan, û xwe firoştin Şeytan “.
Cibrîl berdewam kir:” Sûriya ji berê de bi kêşeyên netewî û pirsgirêka Filestînê pabend e, û wê wisa bimîne jî, tu kes nikare wê ji riya wê ya piransîpan ya dîrokî bibe, ne hebûna rejîma Esed a ber bi herifandinê de, û ne kesên li kêlekê bi derewan bi navê berxwedanê şer dikin”.
El – Mislit daxuyaniya xwe wisa bidawî kir: ” Di heman dema ku ez kiryarên tawankarî yên Cibrîl û hevalên wî hilbijartine şermezar dikim, ez mirovin ji birayên me ji Filestîniyên Sûrî ên ku riya durist bernedane, berevaniyê di ber rûmet û azadiyê de li Kampa Yermûkê û Xûta û bilî wan jî ji xaka Şama pak û temîz dikin silav dikim, xwîna me yek e, pirsgirêka me yek e, wê serkeftina me jî – bi saya Xwedê- yek be”.
Jêder: Hevbendî
