Serokê Hevbendiya Niştimanî ya Sûriyê dazanîn ku helwesta bêreng ya heryek ji Encûmena Ewlekariyê û ya Civaka Navdewletî dibe hokarekî alîkar bo rêjîma Esed û Îrana dagîrker li ser zêdekirina komkujiyan li dijî Sivîlên Sûriyê.
Hevdem Hevbendiya Niştimanî xebînet û mixabiniya xwe anî ziman derbarê piştguhxistina Komkara Erebî û Encûmena Ewlekariyê û girûpa dostên gelê Sûriyê û Yekîtiya Ewropî ji ne derxistina helwestên şermezarkirina van komelkujiyan, yanjî pişguhxistina doza lidarxistina civînên awarte bo gengeşekirina rêşûnên pêwîst bo parastina sivîlên Sûriyê ji kiryarên kuştinê yên berdewam.
Ku firokên Esed û bi piştgiriya mîlîşeyên Îrana dagîrker zincîrek ji êrîşên esmanî yên berdewam pêk anîn li ser bajar û bajarokên Dûma û Zebedanê û Idlibê di çarçoveya bombebarankirina pilankirî de.
Ku duhî û ji encama wan êrîşên hovane li ser bazargeha gelêrî ya bajarê Dûma li gundewarê Şamê, nêzîkî 100 kesê sivîl şehîd ketin û 300 ên din birîndar bûn, ku ev êrîş hevdem in di çarçoveya zincîreka êrişên xwînewî ya hêzên rêjîma Esed û Îrana dagîrker li ser Xûta Şamê û Idlibê, ku heta niha û di mawê kêmtir ji heftiyekî de 450 sivîl hatine kuştin û piraniya wan jin û zarok in.
Hevbendiya Niştimanî bi tundî sercem cor û awayên piştgiriya serbazî û ya darayî bo rêjîma Esed şermezar kir, nemaze piştgiriya bi çek û teqemeniyan her li jêr çi behaneyekê û ji kîj aliyî be, û wê piştgiriyê bi beşdariyê di tawanên dijî mirovan li qelem dide, û dît ku rêgirtin li pêşiya berdewamiya van tawanan berpirsayertiyek yasayî û rewştî ye, û herwiha dazanîn ku pirçekirina rêjîmê dibe alîkar ji encamdana tawanên zêdetir ji kuştin û qirkirinê.
Di vê derbarê de, Serokê Hevbendiya Niştimanî Dr.Xalid Xoca pêwendî bi çendîn wezîrên derve yên dewletên dost û yên bira re kirin, ji bona agehdarkirin û handana wan bo hilgirtina erk û berpirsyaretiyên xwe yên siyasî û rewiştî û zagonî.
Hevbendiyê Tekez kir ku êrîşên Esed ne êrîşên bitewşî ne, ji ber ku ew firok mûşekên arestekirî bi mebest bi ser sivîlan de dibarînin, bi armanca kuştina hejmarek mezin ji sivîlan bi taybetî di dema demjimêrn qerebalixa bazargeh û şeqaman de.
Herwiha Hevbendiya Niştimanî tekez kir ku armanckirina navçeyên sivîlan li ser tawanên şer û bi binpêkirina yasa navdewletî têne pejirandin, li jêr çi hêncet û behaneyekê be, zêdebarî vê yekê Hevbendiyê dazanîn ku tawanên rêjîmê bi gelekî ji astê van tawanan dijwartir in, ji ber armanckirina sivîlan di serê lîsteya armancên bombebarankirinê de tê, bi hewla kuştina zêdetirîn hejmar ji sivîlan di her êrîşekê de.
Jêder: Hevbendî
