Opozisyona Sûrî gihan dîtineke hevbeş li ser mijara çareseriya siyasî ya danûstandinan ji bo kêşeya Sûrî li gora daxuyaniya Cinêvê û Biryarên Navdewletî yên bi heman mijarê ve girêdayî, tevlî parastina pirinsîb û neguhêrên şoreşê.
Di Beyannameya dûmahiyê ya ji Kongirê Opozisyona Sûrî li Riyadê derçûye, yê ko Nûnerên Alayên Leşkerî û Aliyên Opozisyona hundir û ya derve yên hemû pêkhatiyên Civaka Sûrî tê de beşdar bûn. Beşdarên Kongir li ser damezirandina Desteyeke Bala ji Hêzên Şoreşê û Opozisyona Sûriyê damezirînin û Bargehê wê li Riyadê be, da ku ew Şandeya danûstandinê hilbijêre, û ew Deste bibe lêvegera wê Şandeyê di danûstandinên bi Nûnerên Rêjîmê re.
Hêzên Şoreşê û Opozisyona Sûriyê li ser Yekbûna Xaka Sûriyê û sivîlbûna dewletê û desthilatdariya wê li ser hemû xaka welat li ser bingeha Nenavendiya Rêvebirinê lihev kirin.
Beşdaran razîbûna xwe anînîn ziman derbarê beşdariyê bi şêweyek dîmuqratîk di Rêjîmeke piralî de, ko nûnerîtiya hemû pêkhatiyên Gelê Sûriyê ji Jin û Mêran bê cudahî bike, bê çewisandina li ser têgeha Olî, Mezhebî an Milî, û li ser pirinsîbên Hevwelatîbûnê û Mafê Mirovan û zelaliyê, pirsiyanê, sizakirinê, desthilatiya yasayê û pabendiya xwe bi evan mercan.
Civîngeran soza parastina Dezgehên Dewleta Sûriyê dan, û pêdiviya dubare-damezirandina dezgehên ewlekarî û leşkerî. Her wiha tiroristî û jêderên wê bi hemû cûreyên xwe ve red kirin, ji nav wê jî tiroristiya Rêjîma Esed û milîtanên wî yên mezhebperest, êdî miletê Sûrî dê nûnerên dezgehên dewleta Sûrî yên rewa bi hilbijartinan deyne, û bidestxistina çekan êdî wê ji mafê dewletê tenê be.
Civîngeran hebûna çi Şervanên biyanî ta bi ewên nasnameya Sûriyê dane wan da miletê Sûrî bikujin û hem komelên çekdar û hêzên bi çek yên hatine Sûriyê red kirin û doza qewitandina wan hat kirin.
Civîngeran tekezî li ser çareseriya siyasî li ser bingeha Biryarên Navdewletî kirin, bi mercê danpêdanên navdewletî pê hebin, û operasiyona veguhestina siyasî li Sûriyê berpirsiyariya miletê Sûrî ye. Bi piştgiriya Civaka Navdewketî bi mercê ko ne li dijî serweriya niştimanî be û di bin sîwana desthilateke rewa ko hatibe hilbijartin de be.
Beşdaran li hev kirin ko armanca çareseriya siyasî ew e dewletek li ser pirinsîba hevwelatîbûnê ava bibe û bê ko cihê Esed û peyayên wî tê de hebe.
Civîngeran amadebûna xwe diyar kirin ko wê bi Nûnerên Esed re têkevin danûstandinan li gora daxuyaniya Cinêvê ya di 30.06.2012an derçû, û li gora Biryarên Navdewletî û bi çavdêriya Netewên Yekbûyî û bi piştgiriya girûpa Navdewletî ya piştgiriya Sûrî dike (ISSG) û di demeke destnîşannkirî wê bi Netewên Yekbûyî re ji bo wê li hev bikin.
Her wiha Civîngeran li ser damezirandina tîma danûstandinan bi Nûnerên Rêjîmê re li hev kirin, bi mercê çi endam di evê tîmê de di desteya daesthilata veguhêz de mafê beşdarbûna wî tune be.
Beşdaran daxwaz ji Netewên Yekbûyî û Encûmena Ewlekariyê kirin, ko Esed naçarî gavinan ji bo çêkirina baweriyê bikin berî operasiyona danûstandinan, û ji nav wan jî rawestandina sizayên darvekirinê yên li ser ewan kesên ko li dijî Rêjîmê rabibûn, û hêsîr û Girtiyan berde û dorpêçê ji ser herêmên dorpêçkirî rake û rê bide karwanên alîkariyên mirovî ji bo kesên hewcedar û penaberan, û koçberiya bi kotekî bête rawestandin, û bombebarandina cîgehên sivîlan bi bermîlên teqîner birawestîne.
Civîngeran tekez kirin ko bi bendên qonaxa veguhêz pabend in li gora “Daxuyaniya Cinêv 1” bi taybetî benda taybet bi damezirandina desteyeke desthilata veguhêz bi hemû karênên cîbicîkirinê, her wiha Civîngeran di civînê de ji bo rawestandina şer li gora mercên ko li hev bikin gava dezgehên desthilata veguhêz bêne damezirandin, û di çarçoveya danpêdanên navdewletî yên nivîskî bi hêza rewa ya navdewletî pêk bên.
Civîngeran li ser çûna Esed û peyayên wî di destpêka qonaxa veguhêz de tekez kirin.
Beşdaran pejirandina xwe ji piştgirî û rola Netewên Yekbûyî û Civaka Navdewletî di çavdêriya rawestandina şer de û jidestkirina çekan û parastina aştiyê, hem alîkariyên mirovî belav bikin û hevrêziya bizavên dubare avakirina Sûriyê tekez kirin.
Jêder: Hevbendî
