Wezîrê Derve yê Qeterê Xalid Eletiya tekez kir ko “Beşar Elesed û Rêjîma wî piştgirê herî xurt in ji Tiroristiyê re li Herêmê, û tiştê bi serê miletê Sûrî dike ew tiroristî bi xwe ye, ji ber heta nuha 300hezar Sûrî kuştine.”
Di kongirekî rojnamevanî de digel Wezîrê derve yê Rûsî Sêrgî Laverov piştî gotûbêja navbera herdu aliyan de got ku metirsiya tiroristiyê ya rastîn” di berdewamiya tundiya rêjîmên diktator de ye.”
Eletiya helwesta welatê xwe tekez kir ji bo çareseriya siyasî û giringiya damezirandina desthilatdariya veguhêz bi hemû karîn û karûbaran, û diyar kir ko nakokiya sereke ya navbera Dewha û Mosko li ser rewaya Rêjîma Esed e.
Eletiya destnîşan kir ku giring e “ avakirin li ser daxuyaniya Cinêvê ji bo mijara Sûriyê bê kirin û ji sifir de neyê destpêkirin.” her weha got “gerek piştgiriya operasiyona Siyasî ya rastîn bibe, ji bo derdê miletê Sûrî bidawî bibe”.
Jêder: Acans
