Du berpirsên Mîlîşên Hizibulaha terorîst yên serpirştiya girûpên çeteyên li kêleka rêjîma Esed şer dikin, eşkere kirin ku ew çekan ji Rûsiya werdigirin.
Wan herdu efseran yên du navên nehînî bikar tînan û redkirin navên xwe bidin eşkerekirin, di axafina xwe de digel malpera “dêylî bêst” ya amerîkî da xuyakirin ku hevpeymaniyek mikom heye di navbera Rûsiya û rêjîma Esed û Îran û Hizibulah de, û amaje kirin ku pêwendiyên Rûsiya digel Hizibulah “ber bi pêşve diçin”, nemaze piştî ku Hizibulah Mûşekên Dûravêj û yên arastekirî bi Lêzerê û çekên dij mertal û tankan ji Rûsiya wergirtin.
Ligor axaftina yekî ji wan ku çeteyên wî li Laziqiyê û Idlib û Qelemûn şer dikin, êrîşên Rûsiya zagonên şer li ser qadê guhertin, û got ku şerê derdora Laziqiyê “sebaret me , gelekî zehmet bû lê dema Rûsiya derbas bû şer li ser qadê bo me hêsantir bû”.
Efserê din diyar kir ku Rûsiya palpiştiyê dide ser zanyariyên mîlîşên Hizibulah di destnîşankiria armancên xwe li ser qadê, û got ku ” Rusiya nikare pêştgiriya esmanî bide me bê ku em pêzanînan bidin wan”, tekez kir ku Rûsiya li ser qada Lazqiyê sebazên xwe hene, nemaze li derdora firokxaneya Laziqiyê ya ku Mosko bo firokan bikar tîne.
Jêder:Hevbendî
