Endamê Hevbendiya Niştîmanî ya Hêzên Şoreş û Rikaberiya Sûriyê Xalid El-Salih diyar kir ku Rûsya dagîrker û rêjîma Esed dixwazin di rêya helmeta xwe ya vê dawiyê li ser Helebê, bajêr ji Gundewar cuda bikin û dorpêçeke temam ferz bikin, û bi taybetî di rêya gihiştina bo sînorê di navbera Sûriya û Tirkiyê de û birîna rêyên palpiştiya şoreşgeran, ev yek Helebê dixe rêza deverên dorpêçkirî û herwiha sînaryoya “Xûta û Medaya” ji nû ve tê holê.
Salih destnîşan kir ku pirkirina êrîşên leşkerî yên rêjîma Esed ji 3ê mehê ve destpê kir, di heman dema tevgerên navdewletî de derbarê dîtina çareseriya siyasî, bi piştevaniya Rûsya dagîrker û milîsên Îranî yên terorîst, û hêzên Esed rijd bûn li ser vekirina gelek eniyan û herî giring yên Gundewarê Laziqiyês û Heleb û Der’ayê bûn, ku siyaseta zemîna şewitî bikar tîne.
Salih tekez kir ku Rûsya dixwaze di rêya helmeta xwe li dijî Helebê nameyên navdewletî û herêmî bighîne û bêje ku guhertinên rasteqîne li ser zemînê di rêya hêzê re çê dibin, û ev yek ferzkirina çareseriya siyasî li gor nerîna Rûsî hêsan dike, û careke din kaxezên maseya goftûgoyan li gor berjewendiyên xwe datîne.
Endamê Hevbendiya Niştîmanî dibêje:” Helmeta rêjîmê li ser Helebê rastiya rêpêdana Amerîka bo Rûsya di pirsa Sûriyê de eşkere dike, beramberî xwesepandina li ser rola navbênkariyê di navbera aliyên nakok de”, Salih lêzêde kir ku ev yek dostên gelê Sûriyê dixe astengiyê de derbarê pêwîstiya tevger û cidîbûna wan ji bo piştevaniya şoreşa Sûriyê, herwiha ji Civaka Navdewletî re asta mezinbûna kirîza mirovahî ya ku rêjîma Esed pêk aniye û dixwaze li cîhanê belav bike eşkere dike.
Salih diyar kir ku tiştê li Helebê dibe, diyar dike rêkeftinek di navbera rêjîmê û komên terrorist li ser asta tevgera li Gundewarê Helebê heye, herwiha tevgera milîsên ser bi Partiya Yekîtiya Demoqratî PYDê ve bi projeyên tobawî li dijî hêzên şoreşê pêk tînin, ku ev yek eşkere dike ku PYDê tenê desthilateke şûnkarî ye ji rêjîma Esed re.
Jêder: Hevbendî
