Hevrêzkarê Karûbarên Mirovahî Yê NY Yê Herêmî, Kîvîn Kênêdî got:”alîkariyên mirovahî ji bo Sûriyê berdewam in, tevlî ku 85 karmendên hawarçûnê ji encama bombebarankirina deverên giştî wek dibistan û nexweşxanan hatine kuştin”.
Kênêdî di kongirekî rojnamevanî yê ku doh çarşembê li nivîsgeha NYya hevrêzkariya karûbarên mirovahî li Xazî Entaba başûrê Tirkiyê weha jî got:”desteyên hewarçûnê kar dikin ji bo dabînkirina hewcedariyên mirovî yên ji encama koçberiya vê dawiyê li Sûriyê çêdibe, ya ji encama zêdebûna pevçûnan di vê dema dawî de”, û di vê çarçovê de tekezî li ser giringiya dabînkirina peywendiyên berdewam bi hundurê Sûriyê re hat kirin.
Û Kênêdî got ku ew alîkariya ku Pirogramê Xwarinan yê Cîhanî pêşkêş kir, hişt alîkariyên mirovahî bigihên nêzî 650hezar mirovî, û razîbûna xwe ji Tirkiyê anî ziman li ser tiştên ku ji Sûriyan re her ji berî pênc salan de pêşkêş dike.
Kênêdî bal kişand ser gihiştina 60hezar koçber li ser sînorê Sûriya û Tirkiyê di heftiya bûrî de, û got ku Tirkiya biryara herî çak ji bo wan û ji bp Tirkmanên Bayir Bocak distîne, li gor gotina wî.
Her weha berpirsê navnetewî destnîşan kir ku nêzî 200hezar kes di bin dorpêçê û gefa jinêzamirinê de li Sûriyê hene.
Dagîrkara Rûsî tawanên cengê bi bombebarankirina deverên sivîlan û nexweşxane û dibistan û nanpêjgehan pêk anîbûn, û ketina 1716 qurbaniyan hatibû serhejmarkirin jin û zarok jî di nav wan de hene, û 12 nexweşxane jî ku li 3 parêzgehan dabeşkirî ne armanc kirin û her weha nanpêjgehên dabeşkirina nan li Tîr Mi’ela bûn armanc.
Hevbendiya Niştimanî ya Sûrî tekez kir ku dijminkariya Rûsiya” Istiratîciyek zelal û bêguman bû”, û erîşkirina ser sivîlan di serê armancên Rûsiya de bû, bi armanca kuştin an jî koçberkirina wan.
Û Hevbendiyê daxwaz ji encumana Ewlekariyê kir ku rêşûnên”bixrtî û kartêker” bike, ji bo rawestandina dijminkariya Rûsiya ya ku li dijî gelê Sûriyê dike.
Jêder: Hevbendî+Ajans
