Jêderên medyayî amaje kirin ku hejmara derbederan ji Gundewarê Helebêh hejmara 150 hezarî derbas kiriye, ku beşê mezin berê xwe dane sînorê Tirkiyê, herwiha beşê din berê xwe dane Idlibê.
Hevbendiya Niştîmanî ya Hêzên Şoreş û Dijberiya Sûriyê tekez kir ku Rûsya dixwaze di rêya helmeta xwe ya leşkerî re li Helebê nameyên navdewletî û herêmî bighîne “Grûpa Navdewletî” ku wê guhertineke rasteqîne li ser zemînê çê kiriye, ku ev yek di nerîna Rûsya de ferzkirina çareseriya siyasî hêsan dike ji berjewendiya Esed re, û careke din maseya giftûgoyan li gor boçûnên Rûsya saz dike.
Helmetên derbederiyê yên li Gundeawarê Bakurê Helebê pêk hatibûn, ji destpêka meha Sibata niha ve destpêkir, piştî êrîşa hovane ya ku hêzên Esed û milîsên Îranî û mezhebî ji aliyekî ve, û milîsên “Partiya Yekîtiya Demoqratî” ji aliyekî din ve, bi piştevaniya topbaraneke himbiz ji aliyê balafirên Rûsya dagîrker.
Wê helmetê dibistan, nexweşxane û mizgeft kiribûn armancên êrîşan, û hejmara qurbaniyan 300 kes derbas kir, û bi sedan birîndar li dûv xwe hiştin ku jin û zarok di nav wan de hebûn, tevî ku Rûsya li ser rêkeftina Miyûnixê ya “Rawestandina helmetên dijminahî” îmze kiriye.
Derbeder li Gundewarê Bakurê Helebê zehmetiyê dikşînin, ji ber nebûna rêjeya herî kêm ji pêdawîstiyên jiyana rojane, ji aliyê cil û xwarin û vexwarinê ve, û derbeder di rûberekî biçûk de dimînin ku ne zêdetirî deh kîlomitran e, herwiha kêmbûna çadiran, ku zêdetir ji malbatekê di çadirekê de dijîn.
Hin dezgehên hawarçûnê ku serpereştiya alîkariya derbederan dikin destnîşan kirin ku êş û azara ku zarok dibînin dutaq e, û dibe sedema nexweşiya bi sedan, bi sedema vê rewşê, herwiha hebûna 14 haletên zayînên pêşwext bi sedema tirsê di dema derbederiyê de.
Yek ji berpirsên dezgeha “World Fiyûjin” da xuyakirin ku hejmarek mezin ji kêmendaman bê guhdana tenduristî hene, ji wan 168 kes li “Kampa EL-Heremên” in, û 173 li Kampa Seco ne, û 400 kes li nava bajarê Izazê ne, û diyar kir ku Navenda Guhdana Zaroktiyê li bajarê Izazê çend caran rastî topbaranê ji aliyê balafirên Rûsî ve hatiye, ku herî dawî berya du rojan bû, û niha ji derveyê xizmetê ye, herwiha nexweşxaneya zayînê bi sedema topbarankirina Rûsî hatiye rawestandin.
Hevbendiya Niştîmaniya Sûriyê diyar kir ku Rûsya dijmin û rêjîma Esed dixwazin di rêya helmeta dawî li Helebê li meydanê bajêr ji gundewar cuda bikin û dorpêçê ferz bikin, û bi taybet gihandina bo sînorê di navbera Tirkiyê û Sûriyê de, û birrîna rêya piştevaniyê li ser şoreşgeran, ku bi vê yekê dê Heleb bikeve xaneya deverên dorpêçkirî,û careke din sînaryoya “Xûta û Medaya” rû bide.
Hevbendiyê lêzêde kir:” Helmeta rêjîmê li ser Helebê rasteqîniya rêpêdana Amerîka bo Rûsya di pirsa Sûriyê de eşkere dike, beramberî xwesepandina li ser rola navbênkariyê di navbera aliyên nakok de”. û lêzêde kir ku ev yek dostên gelê Sûriyê dixe astengiyê de derbarê pêwîstiya tevgerê û cidîbûna wan ji bo piştevaniya şoreşa Sûriyê, herwiha ji Civaka Navdewletî re mezinahiya kirîza mirovahî ya ku rêjîma Esed pêk aniye û dixwaze li cîhanê belav bike eşkere dike.
Jêder: Hevbendî+ Alerebî Alcedîd
