Endamê Hevbendiya Niştimanî Ya Hêzên Şoreş Û Rikberiya Sûriyê, Cewad Ebû Heteb hişyarî da li ser têkçûna xizmetgozariyên saxlemiyê li navçeyên rizgarkirî bi sedema armanckirina nexweşxaneyan ji aliyê firokên Esed û Rûsiya û herwiha bi sedema kêmbûna pizîşkan û alav û pêdawîstiyên pizîşkî.
Ebû Heteb got ku “bêhtir ji 70% ji nexweşexaneyan yên çavdêriya saxlemiyê pêkêş dikin hatine armanckirin”, û da znîn ku pirkirina bombebarankirinê li ser “gelê piştgirên şoreşê” tê bi armanca “neçarkirina nişteciyan li ser koçbarkirinê”.
Ebû Heteb yê niha cihê emîdê kolîja pizîşkî digire di zankoya ” Heleba Azad” de, got ku “bombebarankirin piranî dibe li ser nexweşxane û dezgehên fêrkirinê bi armanca neçarkirina nişteciyan li ser destberdana mal û cihê xwe”, û balkişand ku rêjeya bêmbûna di karmendên pizîşkî de gihiştiye ” rêjeyek gelekî mezin”.
Ebû Heteb diyar kir ku “navçeyên rizgarkirî bi gazind in ji nebûna pizîşkan bi rêjeya 90%, û ya birînpêçan 91%, û kêmbûna hejmara pispornasan, tevî nebûna çaksazîkirina amurên pizîşkî, ku rêjeya mirinê ya bi nexweşiyên corucor zêdetir e ji yên bi bombebarankirinê têne kuştin”.
Ebû Heteb amaje kir ku pizîşk niha di wan navçeyan de yan di girtîgehan de ne û yanjî dibin gefa bombebarankirinê de ne li nexweşxaneyan, yan koçber bûne derveyî welat”.
Li aliyek din ku bajarê Helebê ev heyamê çend heftiyane ye, ji aliyê firokên rêjîmê û Rûsiya rastî êrîşên bombebarankirinê dibe, û sivîl û dezgehên saxlemiyê têne armanckirin, ku Ebû Heteb ev yek bi ” koçbarkirina biyekcarî ya xelkê” pejirabd, û xuya kir ku peydanebûna çavdêriya saxlemî “wê bibe hokarê koçbarkirina bi hezaran ber bi sînoran ji bona ji Sûriyê derkevin, ku wê ji bona çi mirov wê bimînin dibin bermîlên mirinê de, bê hebûna xwendingeh û nexweşxaneyan?”.
Herwiha tekez kir ku niha hîç şiyanên locistîk nîn in bo avakirina nexweşxaneyan dibin zemînê de li navçeyên rizgarkirî, ku bitenê palpiştiya wan maye li ser pêguherîna nexweşxaneyan ji malekê bo maleke din, û ji cihekî bo cihek din, hevdem balkişand ku firok li her cihî wan armanc dike.
Herwiha amaje kir ku stavên pizîşkî li Helebê di rewşên dijwar de kar dikin û got ku rewş li Helebê weku ” rewşa salên şêstan û heftêyan ji sedsaliya bûrî”.
Ebû Heteb daxwaza “fişarek navdewletî kir li ser rêjîma Esed û Rûsiya heta ku bombebarankirina nexweşxaneyan rawestînin”, û “razîbûna civaka navdewletî bi bombebarankirina nexweşxane û dezgehên saxlemiyê” şermezar kir, hevdem “bihaneya nerast” pirotisto kir ya civaka navdewletî dibêje ku nikare aliyê dirabe bi bombebarankirinê destnîşan bike, û got: “di Sûriyê de hîç firok nînin bitenê yê digel rêjîmê û hevalbenda wê Rûsiya”.
Ebû Heteb berpirsyaretiya tişta li Heleb bibe xist di stûyê civaka navdewletî de û got: ” Civaka Navdewletî di rojekê de dikare dijfirînê bisepîne û nehêle firok nexweşxaneyan bombebaran bikin”.
Jêder: Anadol
