Berdevkê wezareta derve ya Tirkiyê, Tanco Bîlfîc tekez kir ku sercem rêkeftinên hatîn girêdan derbarê rawestandina şer û pevçûnan li Sûriyê, hêjî hemû hibra li ser kaxetê ne, digel berdewamiya Rûsiya û rêjîma Esed li ser armanckirin û kuştina sivîlan.
Ev daxuyaniyên Bîlfîc, duhî roja duşemê di kongerekê rojnamevanî yê asayî de hatin, herwiha diyar kir ku bobilata mirovî li Sûriyê, gihiştiye heta radeyekê ku êdî kes bawer nake.
Bîlfîc balkişand ku redkirina rêjîma Esed ji xistina fayîlê veguhestina siyasî bo gotubêjan, herwiha pêştgiriya bihêz ya Mosko jê re derbarê vê mijarê, bûye sedemê binpêkirina hemû rêkeftinên agirbestê, û herwiha bûye egerê zêdebûna êrîşên berdewam li dijî sivîlan.
Li aliyek din, balyizê Qeterê li Tirkiya Salim Mibarik Elşafî, Civaka Navdewletî bi xemsariyê gunehbar kir li hember rênegirtina Esed ji wêrankirina Sûriyê, û got ku “Civaka navdewletî hîç bizav nekir ji bona rêbigiriyê li Esed bike ji wêrankirina Sûriyê, tevî ku gelek belge hene li ser şermezarkirina wî bi tawankariyan û dagehkirina wî, ji ber encamdana tawanên qirkirinê di derheqê mirovayetiyê de”.
Elşafî tekez kir ku ” rijandina xwînê ranaweste eger Esed li ser desthilatê bimîne, û mana wê wê bibe zêdekirina kuştin û wêrankirin û terorê, hevdem daxwaz ji dewletên zilhêz kir ku bi erkên xwe yên yasayî û rewiştkarî û dîrokî rabin.
Herwiha tê zanîn ku pêwîst e Rûsiya berpirsyaretiya erkên xwe li Sûriyê hilgire, û guvaşê têxe li ser Esed ji bona cêbicêkirina biryarên navdewletî û herwiha beşdarîkirina danustandinan bi awayekî durust, ku desthilat ligor tekesta daxuyaniya Jinêv 1 bête veguhestin.
Jêder: Anadol
