Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde, dibîne ko
Damezirandina Desteya Desthilata veguhêz ew sîsika Operasiyona Siyasî û amanca operasiyona danûstandinan e, û tekez kir û got “em bi hemû karûbaran re ne, yên ku zemîneke pak ji bo berdewamkirina operasiyona danûstandinên Cinêvê.”
Elebde di hevdîtina bi Qenala Alerebiye re got:”veguhêza siyasî armanca sereke ye ya ko Şoreşa Sûriyê ji destpêka xwe ji pênc salan ve jê re kar dike, û em ji her tiştî re amade ne da vê babetê jidil gengeşe bikin, ji bo parastina miletê me û rawestandina rijandina xwînê.”
Elebde got ku ez bawer nakim desthilata veguhêz di destpêka tebaxa dahatî de , wek ko wezîrê derve yê Emerîkî Con Kêrî li Viyena doh ragihand, çimkî çi nîşanên erênî yên bighên evê encamê nîn in. û El’ebda dibîne ko mijar hewldaneke ji bo hêviyê bide, bêtir ji hewldana rastî ji bo gihaştina veguhêza siyasî ya durist.
Elebde got: “Em çi tiştê erênî yên bi dosya mirovî ve têkildar nabînin, ji gava ko biryara Encûmena Ewlekariyê ya 2254 herêmên dorpêçkirî destnîşan kirine, lê heta nuha û ji destpêka agirbestê ve ji bêtir ji 8 Hefteyan ve hêj dorpêç ji ser yek herêmê tenê jî nehatiye rakirin “.
Serokê Hevbendiyê pirsiyar kir eger Rûs û civaka navdewletî nikaribin rêjîma Esed mecbûr bikin ko bihêle alîkariyên mirovî ji bo xelkên me yên dorpêçkirî bigihên, wek ko li Dareyya ji çend rojan ve çê bû, emê çi ji civaka navdewletî hêvî bikin ko karibe veguhêza siyasî pêk bîne? Ko ji evê bi gelekî dijwartir e û bi hemû Sûriyê ve girêdayî ye û ne tenê bi herêmeke dorpêçkirî wek Dareyya û herêmên din.
Elebde li ser dosya mirovî got ku ew danûstandin tê de nabe, û ev dosya bi temamî di navbera Rêjîma Esed û Civaka Navdewletî de ye, ne em in yên ko herêman dorpêç dikin û bi deh hezaran Girtî libal me nîn in û ne em in yên ko bermîlên teqîner û mayûnên deryayî bi ser sivîlan de davêjin û ne jî mûşekên zemîn-zemînî û ne firokên sivîlan amanc dikin libal me hene.”
Û weha erdewam kir: “ji ber ko parastina sivîlan berpirsiyariya navdewletî ye, dikeve ser milê Netewên Yekbûyî û civaka navdewletî eger bi rastî bi sincî û bi maf beraber miletê Sûrî kar bike. ”
Elebde gotina xwe weha bidawî kir: “Eger pêşketineke durist di evê dosyayê de çê nebe, çi zemîneke guncayî ji bo operasiyona siyasî ya bikêrhatî û bi wate dê peyda nebe”
Jêder: Hevbendî
