Hevrêzkarê giştî yê Desteya Bilind ya danûstandinan Riyad Hicab, doz ji Emîndarê giştî yê Netewên Yekgirtî Ban Kî Mon kir, ko dest bi vekolînê bike di bikaranîna Çekên Asmanî yên Sotandinê ji hêla Rûsya ve li Sûriyê, û jê xwest ko Sivîlan ji ewan çekan biparêze.
Di nameyekê de Hicab ji Emîndarê giştî yê Netewên Yekgirtî re îro Înê şandiye, li ser binpêkirina Yasaya Navdewletî ya mirovî ji aliyê Rûsya li Sûriyê, tê de Hicab doz li dewletên Endam di Encûmena Ewlekariyê de kir, ku sizayan bisepînin li ser binpêkirinên berdewam ji Yasaya Navdewletî re ji hêla Rêjîma Esed û Rûsya ve.
Hicab di nameya xwe de got: “ez bi dilnearamiyeke mezin ji were dibêjim ku bikaranînek metirsîdar ji Çekên qedexekirî yên sotandinê re ji aliyê Rûsya ve dijî sivîlan dibe ”.
Hevrêzkarê giştî bêtir got ko Pirotekola sêyem ya Peymana çekên normal, li hemû aliyan qedexe dike ko “çi amanceke leşkerî di nav cihê lihevkombûna sivîlan be, bibe amancek êrîşan bi çekên sotandinê.”
Hevrêzkarê giştî bal kêşand ser ko Rûsya û ji destpêka dijminkariya wê li ser Sûriyê, her çekên sotandinê dikin û bombeyên goşî bikar tîne, ji bo Sûriyan bikujin û bitirsînin û birîndar bikin.
Qenala Rûsya Îro wêneyên seredana wezîrê berevaniya Rûsya Sêrgî Şoygo ya Hefteya çûyî ji bo Baregeheke Rûsî “ Himêmîm ” li Laziqiyê weşand, tê de Firokên Rûsî bi bombeyên goşî yên qedexekiriya Navdewletî tên barkirin, û Rûsya evan bombeyan di êrîşên xwe yên li ser Helebê û Gundewarê wê bikar tîne, çimkî ew hewldana dorpêçkirina bajêr dike.
Jêder: Hevbendî