Hêzên Esed bi şêweyek hovane kuştarekê li dijî sivîlên bajarokê Otaya li Xûta Rojhilat pêk tîne, û têde nêzîkî 18 jin û zarok hatine kuştin.
Hin çalakvanan gotin ku duhî hêzên Esed 20mûşekên zemîn – zemîn avêtin avahiyên nişteciyan, di heman dema êrîşên asîmanî yên rêjîma Esed li ser bajarok.
Herwiha çalakvanan got ku bajarê Dûma jî rastî êrîşên firokên Esed hat, û têde gelek kes hatin birîndar kirin, û hilîkopterên rêjîmê bêhtir ji 40 bermîlên teqîner avêtin li ser taxên Dareya, hevdem digel bombebarankirina wê bi mûşekên zemîn-zemîn, herwiha Xan Elşîh jî ji aliyê firokên şer yên rêjîmê hat bombebarankirin, bê ketina ziyanan.
Miwefeq Nêrebiyê, cîgirê serokê Hevbendiya Niştimanî ya hêzên şoreş û rikberiya Sûriyê duhî di daxuyaniyekê de, got ku heta niha hîç seqayek rasteqîn bo piroseyek siyasî nîne, di dema berdewamiya kuştar û tawankariyên rêjîma Esed û hevalbendên wê.
Herwiha Nêrebiyê amaje kir ku bêdengiya li hember terora Esed û hevalbendên wî, beşdarî di alozkirina şer û belavbûna terora rêxistina DAÎŞ de kir, hevdem dewletên kartêker hêjî berdewam in di destberdana ji erk û berpirsyaretiyên xwe li hember derencamên bobelatkarî yên bi sedema berdewamiya binpêkirinan Agirbesta Rawestandina Karên Dijminkarî, piştî borîna 127 rojan li ser îmzekirina wê.
Jêder: Hevbendî
