Dr.Ebdulhekîm Bişar, Cîgirê Serokê Hevbendiya Niştimanî ya hêzên Şoreş û rikberiya Sûriyê, tekez kir ku hîç serjimêriyek fermî bi hejmara kurdan li Sûriyê nîne, û nejî rêjeya wan, lê wek tê naskirin ku rêjeya wan li derdora 15% tê texmînkirin, û Bişar diyar kir ku ev rêje hatiye ligor hejmara gelê kurd li navçeyên wan, lê piştî destpêkirina şoreşê hejmarên mezin li navçeyên din xwedî li kurdîtiya xwe derketin, ku bi vê yekê rêjeya gelê kurd ji 15% ji hejmara xelkê Sûriyê zêdetir bû.
Herwiha Bişar bal kişand ku Opozisyonê daxwaza rêje û hejmara ti pêkhateya Sûriyê ji Dî Mestora nekiriye, herwiha Opozisyonê hîç belge li ser rêjeya pêkhateyan û rêjeya gelê kurd pêşkêş nekiriye, bi tenê gotiye ku gelê Sûriyê ji Ereb û Kurd û Tirkumen û Siryan û Aşûriyan pêk tê, lewra ya pêwîst e Dîmestora şaşîtiya xwe rast bike û jêderên pêzanînên xwe yên şaş bide xuyakirin.
Hêjaye gotinê ku şanderê navdewletî yê taybet bi karubarê Sûriyê Stîvan Dî Mestora di daxuyaniyekê de ragihandibû ku rêjeya gelê kurd li Sûriyê 5% ye, lewra pêwîst e em li wan guhdarî bikin.
Jêder: Hevbendî
