Artêşa Islamê Firokeke cengê ya Hêzên Esed ji cûreyê Soxoy 22 li Qelemona Rojhilat îro Sibehê xist. Her wiha ajokarê wê dîl kirin, ev Firoke ya sêyemîn e ko Artêşa Islamê di kêmî hefteyekê xistine.
Her wiha Alayên Artêşa Sûrî ya azad û Artêşa Fetih bajarokê Kinisba yê istiratîcî û Girê Elşêx Yûsif û Keleha Şilif li Çiyayê Kurdan li bakurê Laziqyê îro berbangê kontrol kirin. Di cenga “Elyermûk” de, ya ko ev çend roj in dest pê kiriye, ko çend bargeh li çiyayê Kurmanc û Tirkumenan kontrol kirin.
Hevbendiya Niştimanî ya Hêzên Şoreşê û Rikberiya Sûriyê pesnê qehremaniyên ko xortên Sûriyê li Laziqyê, Helebê û Gundewarê Şamê dikin da, û xweşhaliya xwe bi karîna Şoreşgerên Sûriyê da, ko ji pênc salan ve ji gava Şoreşa Sûriyê li dijî rêjîma tawankar dest pê kir, tev ko sersariya navdewletî ya aşkere û piştgiriya kêm.
Hevbendiya Niştimanî tekez kir ko giring e piştgiriya Hêzên Şoreşa Sûriyê bibe, çimkî ew tenê hêvî têde ye ko tiroristiyê ji Sûriyê bi nûneritiya Esed ji kok ve rake, her wiha ew ya bi tenê ye ko karibe rêkxistina Daiş têk bibe wek ko li Helebê di destpêka 2014an bera wan da.
Kinisba giringiya wê li bal Artêşa azad heye çimkî cihê wê istiratîcî ye li ser rêka Heleb.Laziqyê ko ew xeta piştgiriya Şoreşgeran e li Gundewarê Laziqyê, her wiha dergehê Çiyayê Kurdan e û Rêjîma Esed ji wir sivîl bi topa giran li Gundên Idlib û Laziqyê û Hemayê amanc dikirin.
Her wiha di du rojên çûyî de ji gundên Eyn Elqetra û Erd Elwetta û Elhakûre û Elmizgile û Tilal Ebû Esed û Reşa û Nehbeşa li Çiyayê Kurdan bera hêzên Esed dan.
Jêder: Hevbendî
