Girava birçîbûnê ya ku endamên ENKS ji 12 vê heyva êlûnê de ketinê ji bo girtiyên siyasî di zindanên PYD de kete roja xwe ya Pêncemîn de.
Hemrîn Haco jinek e û ji beşdarên giravê ye, di daxuyaniyeke taybet de bo malpera me got ku jimara kesên beşdar di girava birçîbûnê de 12 kes in, lê îro emaneta giştî ya ENKS biryar da ku tevaya xwecihiyên wê sê rojan bikevin giravê de, û emê jî bi wan re berdewam bin, û piştre emîndarî çi biryarê bide emê pê pabend bibin.
Sebaret armanca vê giravê, Haco got ku armanca me ew e ku girtiyên siyasî û çalakvanên alîgirên ENKS ji zindanên PYD bêne serbestberdan, belkî em ti encaman bi dest nexin, ji ber ta niha PYD ti kes bernedaye, tevlî ku ti sedem ji girtina wan re li cem PYD tune ye, lê me gelek guhdan ji ragihandina hundir û ya derve dît û ev bixwe gaveke baş e.
Haco bersiva pirsesa ma ya li ser ku ti rêxstinên mafên miravan pêwendî bi wanre kirine da û got: Ne me pêwendî bi rêxistinan re kirye û ne wan bi mere kirine, tenê em dengê xwe bi riya ragihandinê dighînin , lê rêxistina mafê mirovan li Ewropa daxuyaniyek li ser girava me belav kir em hêvî dikin ku desttêwerdanê bi lez bike da em zanibin çarenivîsa girtiyan çiye.
Sebaret pêwendiya PYD bi wan re, Haco got: qet pêwendî bi mere nekirine û nepirsîne ev girav ji bo çi ye, tevlî ku xwe îro dikin berpirs.
Jêder: Hevbendî
