Endama Desteya siyasî ya Hevbendiya Niştimanî ya Hêzên Şoreşê û Rikberiya Sûriyê Nexem Xadirî, daxwaz ji Civaka Navdewletî kir ko berpirsiyariyên xwe bi tekûzî hilgirin himberî tiştê ko li zindana Tertûs ya navendî çêdibin ko bi sedan girtiyên siyasî tê de hene.
Xadirî doz kir ko giring e têwirdaneke lezgîn ji bo saxlemiya girtiyan çêbibe, çimkî hêzên Esed ji doh sibehê ve hewil didin têwirdana zindanê bikin, bi amanca yaxîbûn û redkirina girtiyan ji fermanan re bidawî bikin, ew yaxîbûna bi sedema bicihneanîna daxwazên wan ên birêveberiya zindanê piştguh kirine, yên der barê jinûve-dadgehkirina wan li gora pîvanên dadgehên dadane.
Girtiyan yaxîbûna xwe di hindirê zindanê de ji 28 meha çêriya pêşî 2016an dest pê kirine, ji bo serpereştiya polîsan sozên xwe yên ji wan re didan bi amanca mangirtinê bidawî bînin bicih bîne.
Girtî doz dikin ko sînorek ji dadgehên bi nav dadgeh in re bête danîn, yên li pêşberî dadgeha tiroristiyê û dadgeha tawankariyên tiroristî û li gora planin ewlekarî çêkirî ji aliyê ewlekariyê ve, ko mukurhatin di bin êşkencê û kotekiyê de hatine standin.
Çalakvanan anîn ziman û gotin piraniya girtiyan ji pênc salan ve ji gava xwepêşindanên aştiyane li Sûriyê derdiketin hatine girtin. Û hejmara girtiyên siyasî li zindana Tertûsê 247 girtî ne ji nav wan 70 girtî ji Banyasê ne.
Xadirî tekez kir ko giring e komîta navdewletî ya xaça sor biçe zindanê tako rewşê bi xwe bibîne û pêrabûnên pêdivî bike tako saxlemiya hemû girtiyan dabîn bike.
Jêder: Nivîsgeha Ragihandinî ya Hevbendiya Niştimanî Sûrî
