Îro roja înê 16’ê çileya pêşîn, wezîrê derve yê Danîmark Enderyas Samwîlsin, pêşwaziya rêxerê giştî yê Desteya Bilind Ya Danustandinan Riyad Hicab û şanda ligel wî li Kobinhaginê psytexta Danîmarkê kir.
Herdu aliyan ligel hev derencamên xirab yên şerê li Heleb û zêdebûna êrîşên leşkerî yên ku ev cara yekemîn e ku bi vê asta bilind ji tundiyê tên kirin, dijî taxên nişteciyan û jêrxana binyatgerî ku bûne sedemê kuştin û birîndarbûna bi sedên mirovan û herwiha berdewamiya dorpêçkirinê û qedexekirina derbasbûna tîmên hawarhatinê gengeşe kirin.
Hicab tekez kir ku Îran dewletek tawankar e û hîç hirmet û rêzê li biryar û yasa navdewletî ya mafên mirovan nagire, û bal kişand ku “Îranê hewl da ku danustandinan têkbibe bi rêka berdewamî û zêdekirina operasyonên leşkerî, û li rex me diyar bû ku nakokî di navbera Rûsiya û Îranê de hene û Îran naxwaze hêzên opozisyonê ligel Mosko lihev bikin”.
Û got: “di dema vê bobelata niha de, em dixwazin li ser metirsiya pejirandina riftarê Rûsiya tekez bikin, ku kar dike ji bo sepandina ketwareke nû bi rêka bikaranîna hêzik mezin û encamdana tawanên tirsinak, û paşî fişaran têxe li ser civaka navdewletî ji bo qebûlkirina guhertinan”.
Di dawiya hevdîtinê de, Hicab bal kişand ser giringiya aktîvkirina bijaredeyên dadgehkirina rijêma Esed û hevalvendên wê, der barê tawanên ku di derheqê gelê Sûriyê de pêk tînin, her weha tekezî li ser giringiya sizakirin û dadgehkirina tawanbaran kir, û cext li ser giringiya redkirina girêdana oparesyonên leşkerî bi pirsa danustandinên siyasî re kir, ji bo rê li pêş bikaranîna binpêkirinên mirovî ji aliyê Mosko û Rijêmê ku wek amraz ji bo bidestxistina destkeftên siyasî pêk bînin bête girtin.
Jêder: Nivîsîngeha Ragihandina Hevbendiya Niştimaniya Sûriyê