Endamê desteya siyasî ya Hevbendiya Niştimanî ya Hêzên Şoreşê û Rikberiya Sûriyê Nesir Elherîrî, tekez kir ko divê Rûsya nema tawanên cengê lidijî sivîlan pêkbîne, û rê nede Rêjîma Esed û milîtanên tirorist yên ko Îranê wan dilivîne, û nehêle operasiyonên koçkirina kotekî û qirkirina komel bikin, eger jidil dixwaze çareseriyeke siyasî ji bo Sûriyê bibîne.
Elherîrî îro di daxuyaniyeke taybet de got:”gerek Rûsya piştgiriya xwe ji Rêjîma Esed re raswetîne, û pişta xwe bi miletê Sûriyê girêbide, û beşdarbûna operasiyona siyasî bike li ser bingeha misogerkirina daxwazên miletê Sûrî ji bo bigihêje veguhastina siyasî ya durist li gora belgehên navdewletî û bi taybetî daxuyaniya Cinêvê û biryarên navdewletî 2254 û 2118”.
Serokê Hevbendiya Niştimanî Enes Elebde çend hevdîtinên diblomasî digel berpirsiyarên dewletên Erebî û yên Rojava kirine, tako tawanan di derheqê sivîlên Helebê rawestîne. Hem jî heft name ji Emîndarê giştî yê Netewên Yekbûyî û ji Rêkxistina Hevkariya Îslamî û Komkara Erebî û 23 dewletên din re şandin.
Hevbendiya Niştimanî û Desthilata Sûrî ya Demkî “Şana qeyranê” damezirandine ji bo encamên bi sedema operasiyona leşkerî çêbibin, ya ko bi ser bajarê Helebê de hatiye çareser bikin, piştî ko koçkirina kotekî li ser wan feriz kirine. Û beşdarî di amadekarî û lidarxistina çend xwepêşindanên ko li Tirkiyê û li bajarên Ewropî çêbûne kirine, ji bo piştgiriya sivîlên Helebê û pirotestokirina tawanên Rûsya û Esed û milîtanên Îranî.
Tîmên Desthilata Demikî pêşwaziya derbideran kirin û digel Rêkxistinên xwecihî û yên navdewletî danûstandin kirine tako cih û alîkariyên mirovî ji bo wan dabîn bikin. Her weha nexweş li ser nexweşxanan belav kirin û yên rewşa wan dijwar ew bibal nexweşxanên Tirkî ve birin.
Endama Hevbendiya Niştimanî Selwa Ektaw tekez kir ko saxlemiya sivîlan pêşindeya Hevbendiyê ye, û cenga Rûsya û Îranê ya rêbazkirî lidijî sivîlan ya ko ne li gora yasaya navdewletî ye, ya derbarê deverên şer li wan heye, ko tu bijarte li ber sivîlan nehiştin ji bil ko peymana derketina ji cihên xwe bipejirînin, ji bo parastina saxî û ewlehiya xwe.
Aktaw bal kêşand ser ko tiştê çêbû operasiyonên koçkirina kotekî ne, û yasaya navdewletî û yasaya navdewletî ya mirovî kirdeyên vî karî siza dike. Û got ko ew bi plana Rûsya û Îranê pêkhatiye, û ev dide xuyakirin ko Rûsya heta nuha di nav civaka navdewletî de ne bêalî ye.
Jêder: Nivîsgeha Ragihandinê ya evbendiya Niştimanî