Berpirsên Hevbendiya Niştimanî ya hêzên şoreş û rikberiya Sûriyê, diyar kirin ku kiryarên bombebarankirinê û wêrankirina jêrxaneya bingehîn û avahiyan û kiryarên talankirinê û leşkeriya neçarî ji ciwanan re di nav milîsên Rijêmê û Îranê de, dikeve di xaneya xistina fişaran de li ser sivîlan ji bo neçarkirina wan li ser koçbarkirinê.
Endamê desteya siyasî ya Hevbendiya Niştimanî Mihemed Coca got ku armanckirina “Nebi’h Elfîcê” li Wadî Bereda li gundewarê Şamê, tê bi armanca lawazkirina îradeya sivîlan û neçarkirina şoreşgeran ji bo erêkirina agirbestên nehevseng yên dikevin di rajeya rijêmê de.
Coca tekez kir ku ev kiryar bi xwe “tawanên şer”in, û di daxuyaniyekê de got ku ev yek “ji aliyê me nayê qebûlkirin û em danpêdanê pê nakin”, û herwiha NY han da li ser erkên wê yên ji bo parastina sivîlan, û nebe çavdêr be ji çi rêkeftina kiryareka koçbarkirina neçarî ya berfireh re.
Li aliyek din, endamê desteya siyasî Osama Tilco diyar kir ku hêzên rijêmê û milîsên Îranê xaniyên sivîlên Helebê talan dikin, piştî kiryarên koçberkirina sivîlan ya berfireh ya piştî oparesyona leşkerî ya mezin ya bi dirêjiya heyvekê li ser Helebê.
Û Tilco bal kişand ku “kiryarên koçberkirina xelkê ji aliyê Rijêmê û Îranê ve tê bikaranîn ji bo pêkanîna guhertina demigrafîk li mezintirîn bajarên Sûriyê Şam û Helebê, ji bo bihêzkirina desthilata xwe ya nerewa, ya di heman dema bêdengiya civaka navdewletî ya şermezarkirî de dibe”.
Jêder: Nivîsîngeha Ragihandina Hevbendiya Niştimaniya Sûriyê
