Hêzên Bişar û çeteyên Hizibulaha terorîst ji 12 rojan de û heta niha berdewam in di zêdekirina êrîşên xwe yên leşkerî li ser gundên navçeya Wadî Bereda li gundewarê Şamê, ku ev yek dibe binpêkirinek eşkera ji agirbesta berî sê rojan hatiye ragihandin re.
Û çalakvanên navçeyê gotin ku ji sipêdeya îro de çiyayên navçeyê û gundên Besîma û E’în Fîcê û Hisêniyê û Kefêr Alzêt û Dêrqanûn ji aliyê hêzên Esed û milîsên Hizibulaha terorîst tên bombebarankirin, û gotin ku xanî û riyên gundê Besîma bi çekên giran ji aliyê çeteyên Hizibulaha terorîst tên gulebarankirin ji bo rê li pêşiya tevgera xelkê navçeyê bigirin.
Hevdem ku ev 11 rojên li pey hev navçe rastî bombebaranek dijwar bi bermîlên teqîner dibe ku bûye egerê ketina bidehên şehîd û birîndaran, tevî jikarketina nexweşxane û deszgehên bajarvaniyê ji karên xizmetgozariyê û gihiştina ziyanan bi pompên kaniya “E’în Fîcê” û maşînên wê ku bûye encamê kêmbûna rêjeya ava kaniyê.
Hevbendiya Niştimanî ya Hêzên Şoreşê û Rikberiya Sûriyê roja şembiyê hişyariyek da ji encamên oparesyona dijminkariyê ya ku milîtanên Îranî û hizbulah û Beşar li dijî bajar û bajarokên herêma Wadî Bereda li gundewarê Şamê yê rojava pêktînin, û daxwaz ji aliyên xwe dane ber garantiya peymana agirbestê kirine ku nehêlin binpêkirina peymana agirbestê bibe.
Herwiha çalakvanan tekez kirin ku navçe duhî li roja yekşemê bi 13 êrîşên asîmanî û mûşekên deng hat armanckirin, û diyar kirin ku gundê E’în Fîcê bi 7 êrîşên ji wan êrîşan hat armanckirin, hevdem ligel bombebarankirina navçeyê bi topxane û mûşekan ji aliyê milîsa hizibulaha terorîst, û hevdem ligel hewlên pêşdeçûna li teniştên wadî Bereda.
Hêjayê gotinê ye ku navçeya Wadî bereda ji 13 gundan pêktê, ji wan 9 gund di destê şoreşgeran de ne, û li derdora wê çiyayên bilind hene ku hêzên Esed û çeteyên hizbulah xwe têde asê dikin û herwiha ev heyamê sê salan e navçeya nêzîkî 100 hezar kesî têde dijî bi tundî dorpêç dikin.
Jêder: Nivîsîngeha Ragihandina Hevbendiya Niştimaniya Sûriyê
