ENKSê di daxuyaniyekê de ku ji aliyê sikirtariya xwe ya giştî derket, tekez kir ku rêkeftina Dihokê dibe zemîneyek baş û guncayî ji bo liyekgihiştin û karê hevbeş.
Ev daxuyanî hat wek bersivdanekê li ser (Bangewaziya Birêminê) û herwiha li ser destpêşxeriyên din yên daxwaza rakirina nakokiyan di navbera aliyên kurdî de dikin û hewl didin ji bo pêkanîna yekhelwestî û yekriziya kurdî.
Û ENKSê di daxuyaniya xwe de bal kişand ser ku her bizav û her destpêşxeriyek an bizavek naveroka wê çibe, dema em bixwazin bi ser bikeve, gerek pêşî astengiyên li pêşiya wê bên hilanîn, û seqayek erênî bo vê yekê bê peydakirin, û di serî de serkirde û çalakvanên ENKSê ji girtîgehên PYDê serbest bên berdan.
Û daxuyaniyê got ku rêkeftina Dihokê, û bi çavdêriya serokatiya Herêma Kurdistanê û Serok Mesûd Barzanî û bi gerantiyên navdewletî , hîn jî bingehek baş e ji bo peydakirina zemîneyek guncayî ji bo lêkgihiştin û karê hevbeş di warên siyasî û rêveberî û leşkerî de, ji ber rêkeftina Dihokê xwedan piştgiriyek kurdistanî bû û lihevkirinek netewî derbarê wê hebû.
Hêjayê gotinê ye ku (bangewaziya Birêminê) ji aliyê hejmarek mezin ji nivîskar û rojnamevan û çalakvan û kesayetiyên niştimanperwer hatiye amzekirin, û têde daxwaza diyalogek vekirî li ser maseya giftugoyên rasterast û zelal û bêmerc ji hemû alî û pêkhateyên siyasî yên kurdî kiribûn, ji bo gengeşekirina sercem doseyên helawîstî û kokên nakokiyan, bi garantiyên kurdistanî û navdewletî.
Jêder: Beşê Kurdî Ji Nivîdgeha Ragihandina Hevbendiyê
