Hêzên Rijêmê û milîsên Îranê hewl didin bo encamdana kiryarên koçberkirina neçarî û guhertinên demografîk yên nû li dorubera Şamê, yekser piştî oparesyona leşkerî ya çavrênekirî li ser navçeya Wadî Bereda, di çarçovê pîlangeriyekê de ji bo bihêzkirina desthilata Bişar Esed, tevî amzekirina rêkeftina agirbestê jî.
Û desteya ragihandina Wadî Bereda diyar kir ku milîsên Îranê bi hevalîniya şanda Rijêmê gefên koçberkirina neçarî li xelkê navçeyê xwarin, eger ew li hevkirinê red bikin. û got ku duhî rêkeftinek rawestandina bombebarankirina navçeyê hat amzekirin, ji bo derbasbûna tîmên çaksazkirina kaniya “E’în Fîcê” ya ziyan gihanê, û derketina çekdarên artêşa azad û xelkê lihevkirinê red bikin ber bi Idlibê ve.
Tê zanîn ku ji nêzîkî du heyvan ve, hêzên Rijêmê û çeteyên hizibilaha terorîst û pasdarên Îranê, êrîşa ser Wadî Bereda dest pê kirine, bê hîç guhdanê bi rêkeftina agirbestê ya ji aliyê NY, û nejî bi biryara 2336 ya NY bi çavdêriyek Rûsî-Tirkî stand, bi behaneya hebûna çekdarên rêxistina DAIŞê û aniya Fetih Elşam tevî tekeziya dam û dezgehên navçeyê li ser redkirina vê behaneyê.
Herwiha ku ev oparesyin û bombebarankirina bitewş bûye sedemê ketina bi sedên şehîd û birîndaran, tevî ziyanên gihane kaniya “E’în Fîcê” ya yekem jêderê ava vexwerina bajarê Şamê û dorubera wê ye, ku bûye sedema birîna avê ji ser 6 milyon kesî li Şamê.
Ji aliyê xwe ve, balyozê Si’ûdiyê li NY Ebdulah Elmi’lemî di cîvîna derbarê rewşa rojhilata navîn de ya roja sêşemê, daxwaza derxistina bilez ji sercem milîsên biyanî ji Sûriyê kiribû, û gotibû: “dem hatiye ji bo ku encûmena asayîşê biryarekê bistîne ji bo derxistina hêzên biyanî ji Sûriyê, tevî hemû çete û milîtanên terorîst yên biyanî û hêzên hizibulaha terorîst û hêzên pasdarên Îranê û sercem hêzên hikûmetên biyanî, û vekirina derfetan li pêşiya gelê Sûriyê bo diyarkirina çarenivîsa xwe ya siyasî ligor îradeya xwe ya serbixwe û azad”.
Herwiha encûmena asayîşê ji aliyê xwe ve destxweşî li biryara 2336 kiribû, ya li dumahiya sala bûrî hatibu derxistin, û têde hatibû ku ew “tekeziyê dike li ser karê pêkanîna veguhestinek siyasî ya aştiyane li Sûriyê li gor daxuyaniya Jinêvê û biryarên encûmena asayîşê”, herwiha tekezî li ser giringiya biryara 203 ya komeleya giştî ya NY ya li sala par sebaret bi rewşa mafê mirov li Sûriyê kiribû, û biryara derbarê giringiya “dirustkirina mêkanizmekê bi armanca komkirina belge û şahid û dîkomîntan ji bo belgekirina zanyariyan ji bo dadgehkirina berpirs û encamdarên tawanên cengê û tawanên dijî mirovan”.
Jêder: Nivîsîngeha Ragihandina Hevbendiya Niştimaniya Sûriyê/ Wekalat
