Netewên Yekbûyî diyar kir ko alîkariyên mirovî li Sûriyê pir kêm bûne û wek rawestyayî ne, çimkî hêzên rêjîmê û milîtanên Îranî hêjî bajar û bajarokên Sûriyê dorpêç dikin û nahêlin alîkariyên mirovî bigihên kesên dorpêçkirî.
Berdevka şandyarê navnetewî yê taybet bi Sûriyê Stîvan Dî Mistora, ya Netewên Yekbûyî Yara Şerîf got: “ji 21 xwestekan ji do derbasbûna alîkariyên mirovî yên Netewên Yekbûyî, û Xaça sor û Heyva sor, rê da karwanekî tenê ji bo derbas bibe. ”
Û Dî Mistora ragihandibû ko wê danûstandinên Cinêvê di 20 sibata nuha de dîsa destpê bikin, di heman çaxê ku binpêkirinên rêjîmê ji agirbestê re berdewam in, û bendên biryara 2254 yên mirovî cîbicî nekirine.
Û rêkxistinê destnîşan kir ko “Dî Mistora nîgeran e ji ber kêmbûna derbasbûna alîkariyên mirovî di çilê paşî de, û ji adara derbasbûyî ve ta niha ev nebaştirîn heyv bû”, û bêtir got: “giring e alîkarî derbas bibin.. ji ber ko herêmin hene ji 100 rojî ve alîkarî negihane wan”.
Û berdevka navnetewî destnîşan kir ko “Dî Mistora daxwaz kir ko divê alîkarî bê rawestan û bê merc û astengî bigihên 4.72 milyon kesî ji yên li herêmên gihaştina wan dijwar e, û ji nav wan jî 600 hezar li herêmên dorpêçkirî asê mane. “
Toreyin nûçeyan ên xwecihî anîne ziman ko mirovek mir ji ber ko tîmên bijîşkî nikarîbûn ew çareser bikirana, çimkî gurçikên wî rawestiya bûn, ji encama ko bûye sê sal bajar dorpêçkirî ye, û bêtir got ko rewşa mirovî li piraniya herêmên dorpêçkirî pir dijwar bûye, ji ber heyberên xwarinê û yên bijîşkî pir kêm bûne.
Jêder: Nivîsgeha Ragihandinê ya Hevbendiya Niştimanî/Acans
