Serokê Hevbendiya Niştimanî ya hêzên şoreş û rikberiya Sûriyê Enes El’ebide duhî yadname ji 26 dewlet û rêxistinên navdewletî re şandin, tevî NY û Yekîtiya Ewropî û Rêxistina Hevkariya Îslamî, û têde derencamên tawana terorîstî ya bikaranîna çekên kîmyayî ji aliyê rijêma Esed li dijî xelkê sivîl li bajarê Xan Şêxûn yê li gundewarê Idlibê şirove kir.
El’ebide tekez kir ku hîç dîmenên leşkerî li Xan Şêxûn nînin û bi tenê xelkê sivîl û koçber têde dijîn, û bal kişand ku ev êrîş “komkujiya hovane ya li tebaxa 2013 an li Xûta rojhilat têne bîra me, ya têde nêzîkî 1400 sivîlî jiyana xwe ji dest da”, û tekez kir ku ev êrîşa terorîstî dijberiyek eşkera ye li hember biryarên navdewletî û rêkeftinên qedexekirina çekên kîmyayî.
Herwiha Ele’bide dît ku ev êrîş biryarên encûmena asayîşê 2118, 2209, 2235, 2245 binpê dike tevî rêkeftina agirbestê ya ji 30 heyva çilê pêşî ya bûrî ketî di warê cêbicêkirinê de.
El’ebide di yadnameya xwe de got ku “Esed wêrekî li bal peyda bûye ta radeya dubarekirina bikaranîna van çekan, bi sedema tinebûna bizaveka navdewletî ya dijberî wê tevî nebûna lêpirsîn û dadgehkirinê.
Serokê Hevbendiyê daxwaza standina rêşûnên bilez kir di hindur civînên encûmena asayîşê de yên terxankirî bo gengeşekirina vê mijarê ji bo misogekirina lêkolîna vê êrîşkariyê û dadgehkirina encamderên wê.
Ele’bide cext li ser wê yekê kir ku têkşikestin di parastina sivîlan de wê bêhêvîbûnê belav bike li nav xelkê Sûriyê, herwiha wê bibe sedema têkbirina piroseya siyasî bi yekcarî, û wê derfetên çareseriya siyasî zêdetir ji berê dijwar bike, û bal kişand ku pêkanîna dadwerî û azadî û Sûriyayek nû, bitenê wê baweriya xelkê Sûriyê bi civaka navdewletî vegerîne.
Jêder: Ofîsa Ragihandina Hevbebdiya Niştimanî
