Sikirtêrê giştî yê Hevbebendiya Niştimanî Ya Hêzên Şoreş Û Rikberiya Sûriyê Ebdulîlah Fehid du hevdîtinên cuda ligel berpirsên Amerîkî û Birêtanî pêk anîn, di hevdîtinan de tawana terorîstî ya bi destê hêzên rijêma Esed bi bikaranîna çekên kîmyayî li dijî xelkê sivîl li Xan Şêxûn li Idlibê şermezar kir.
Fehid sipêdeya îro hevdîntinek ligel “Haf Galîrî” serokê tîma Sûriyê di nivîsîngeha karûbarê derve ya li Londonê de û şandê pêre pêk anî, herwiha duhû hevdîtinek ligel “Cîl Hatşînger” berpirsa siyasî û xizmetgozariyên derve di nivîsîngeha Sûriyê ya wezareta derve de ya Amerîkayê pêk anîbû
Fehid daxwaza dadgehkirina rijêma Beşar û misogerkirina sizadana wê kir, û hevdem tekezî li ser giringiya pêkanîna veguhestina siyasî kir, û bal kişand ku “ev tawan li Sûriyê nedihatin encamdan heger veguhestina siyasî hatiba pêkanîn“.
Û çekên kêmyayî nekêmtir ji neh caran ji aliyê hêzên Rijêmê ve li dijî sivîlan her ji destpêka sala 2017 an ligor raportên Tora Sûrî Ya Mafên Mirov hatiye pêkanîn, ku duhî dawîtirîn car bû, û bû sedema şehîdbûna 100 sivîlî û birîndarbûna 400 sivîlên din.
Û Fehid di çarçovê nirxandina gera dawiyê ya danustandinan de, daxwaza piştgiriya piroseya siyasî bi awayekî zêdetir ji rêveberiya Amerîka û hikûmeta Birêtaniya kir, ji bo neçarkirina Rijêmê li ser cêbicêkirina biryarên navdewletî nemaze daxuyaniya Cinêv û biryara 2354.
Herwiha Fehid daxwaza piştgiriya pirojeyên hikûmeta demkî yên li navçeyên rizgarkirî kir, ji bo pêşkêşkirina xizmetgozariyên serekî bo xelkê wan navçeyan û peydakirina ewlehî û seqamgeriyê, û cext kir ku oparesyona “mertala feratê” şerekî rastyeqînebû dijî terorê.
Jêder: Ofîsa Ragihandina Hevbendiya Niştimanî
