Dîvîd Bîzlî birêveberê cîbicîkirinê yê pirogramê xwarinê yê cîhanî yê nû, doh çarşembê daxwaza hêsankirina gihandina alîkariyên mirovî bi awayekî rêkxistinî û bê astengî û bi şêweyekî berdewam kir, ji bo peydakirina pêdiviyên xwarinê yên bilez ji kesên li herêmên dorpêçkirî yên ko gihandina wan aloz e.
Bîzlî got êş û azarên bi milyonan Sûrî sivîk nab in, bê pêkanîna çareseriyeke siyasî ya serkeftî, ku bihêle ew malbatên bi darê zorê hatine koçberkirin vegerin malên xwe, û dest bi jinûavakirina jiyana xwe bikin, û rêkên çareseriya kar û jiyana xwe peyda bikin.
Bîzlî di seredana xwe ya meydanî ya yekem de operasiyonên pirogramê dîtin, ew ji meha bûrî de wek berpirsyarê vî pirogramî hatiye destnîşankirin, û Bîzlî demekê bi malbatine Sûrî yên penaber li Wadî Elbîqa’ ya Libnanî re rûnişt, û ligel çend jin û zarokên derbider li navenda belavkirina alîkariyên xwarinê ya bi ser pirogramê ve li Şamê civiya.
Birêveberê pirogramê xwarinê yê cîhanî yê bi ser Netewên Yekbûyî ve bi çend berpirsiyarên mezin yên desthilatan û ortaxan civiya, ji bo gengeşekirina pêvajoya operasiyonên mirovî li Sûriyê û Libnanê.
Bîzlî di dawiya seredana xwe de got :hatina vir û dîtina fişar û ziyan û birçîbûn û hemû derdên ko bi milyonan derbiderên hindirê Sûriyê dikşînin cihê daxê ye, her weha fişara li ser miletê Libnanê û desthilata wê ya ko ligel dezgehên navnetewî û ji nav wan jî pirogramê Netewên Yekbûyî ya xwarinê baş dixebite.
Bîzlî ji aliyên ku alêkariyan didin daxwaz kir ko berdewam bin di piştgiriya xwe de, ji bo derdê penaberan û dewletên mêvandar ji nav wan jî Libnan sivik bikin, ya ko abûriya wê di bin barekî giran de ye, ev yek di dûmahiya seredana xwe ya ji bo Beyrûta paytext ko her tişt bi çavên xwe dîtin got.
Jêder: Nivîsgeha Ragihandinê Ya Hevbendiya Niştimanî/Acans
