Sikirtêrê giştî yê Hevbendiya Niştimanî ya Hêzên Şoreş Û Rikberiya Sûriyê Nezîr Elhekîm ligel hin kesên ekadîmî û leşkerî yên dewletên beşdar di kongirê NCT yê navdewletî de civiya, yê ji bo gefên çekên nenormal li ser Asiya û Oqyanosa Hadî yê ji aliyê dezgeha IB Consultancy hatî lidarxistin.
Elhekîm got ku beşdarên kongir hevxemiya xwe nîşan dan, û soz bi bihêzkirina piştgiriya şoreşa Sûriyê dan, piştî guhdarkirina wan ji rastiyên ku derbarê şoreşa gelê Sûriyê li dijî Rijêma terorîst û stemkar hatin pêşkêşkirin, û herwiha derbarê tawanên Bişar Esed yên bi çekên komelkuj û qedexekirî mîna yên kêmyayî û fisforî û denemêt û napalim û hd.
û desteya rêxistinkar ya kongir han da ser giringiya beşarbûna opozisyonê di hemî hevdîtinên cîhanî de, ji bo şirovekirina doza meya rewa û ev yek wê bibe alîkar ji bo gihandina dengê me bo hemî civînên navdewletî, û soza vexwendina me bi awayekî herdemî dan .
Elhekîm diyar kir ku armanc ji beşdariya me di vî kongirê navdewletî de ew e, şoreşa gelê Sûriyê û doza wî bi cîhanê bidin naskirin, nemaze ku piraniya beşdaran akadîmî û efserên serbazî yên kartêker bûn, û yên pispor di warê dijberiya terorê de.
Hêjayî gotinê ye ku duhî Elhekîm di gotara xwe ya li kongir de hişyarî dabû ser peydabûna sistiyekê bi Bişar Esed re li ser asta navdewletî, li ser bikaranîna çekên kîmyayî û yên nenormal li dijî gelê Sûriyê, ku ev yek wê gefên ewlehiyê li hemû dewletan peyda bike, û tiknolijiya niha wê nikaribe li hember rawest e, Elhekîm tekez kir ku metirsiya van çekan li ser hemûyan e bêyî ku kes jê bê ziyan bimîne çi kes bin û çi jî milet bin.
Herwiha Elhekîm daxwaz kir ko rêkxistina qedexekirina çekên kîmawî lezê di vekolînan de bike, û çekên ko li cem rêjîmê mane têk bibe, û wê li ser berhemdana wê ji van çekan re siza bikin, û nema bihêle wan berhem bike.
Jêder: Ofîsa Ragihandina Hevbendiya Niştimanî
