Serokê Hevbendiya Niştimanî ya Sûrî, D. Nesir Elherîrî, civînek ji dûrve li gel Nûnerê Birêtanya yê Taybet bo Sûriyê Martin Longden, bi amadebûna Hevrêzkarê Ofîsa Têkliyên Derve di Hevbendiya Niştimanî de Ebdulehed Istêfo, lidar xist, û pêre behsa dawîtirîn pêşhatên meydanî û siyasî û rêşûnên Hevbendiya Niştimanî û Hikûmeta Sûrî ya Demkî yên ji bo rûbirûbûna vîrosa korona li deverên rizgarkirî kir.
Û Serokê Hevbendiya Niştimanî li ser dubarekirina binpêkirina rêkeftina agirbestê ji aliyê hêzên rijêmê û Rûsiya ve axivî, ew rêkeftina ku di heyva adara borî de hatiya îmzekirin, her weha pêkanîna tewanan li deverên rizgarkirî, û bal kişand ku ew jî bû asteng li pêşiya vegera derbider û koçberan.
Û got ku miştbûna kampan bi derbider û koçberan, xem û metirsiyeke rasteqîn çêdike, ger vîrosa korona li wir belav bibe, û daxwaza fişaran li ser rijêmê û Rûsiya kir, daku bi agirbestê pabend bibin, û bibe agirbesteke berfireh li seranserî Sûriyê.
Û Elherîrî girîngî da ketwarê hersê parêzgehên rojhilatê Ferêt, û bal kişand ser ku Kurd di nav pêkhatên Hevbendiya Niştimanî de hene, û cext kir ku ew beşekî ji Hevbendiya Niştimanî ne, û got ku diyaloga Kurdî-kurdî dê bê sûde be bêyî çareserkirina ji kok de ji hebûna rêxistina PKK ya terorîst re li deverê, û misogerkirina beşdariya pêkhatên civaka Sûrî di rêvebiriya deverê de.
Û herdû aliyan doseya penaberên Sûriyê yên li Libnan û Somalê û penaberên Sûrî yên ji Birîtaniya bo Ispaniya hatine koçberkirin, û rewşa tirajîdî di hundir kampa Elrikban de gengeşe kirin, û Elherîrî Hikûmeta Birîtanî han da li ser pêşkêşkirina piştgiriyê ji penaberên Sûrî û çakkirina rewşa wan re .
Û herdû aliyan behsa rapora Komîta Şopandina Rastiyan kirin, û Elherîrî tekez kir ku Hevbendiya Niştimanî û Hikûmeta Sûrî ya Demkî dozên di rapora Komîteyê de hatine dişopînin, û got ku hejmarek ji kesan bo dadgehan hatine veguhestin, di dema ku lêkolîn li gel hejmarek din berdewam e.
Û herdû aliyan pêşhatên pirosesa siyasî û encamên gera dawîn ji xebatên Komîteya Destûrî gengeşe kirin, û Serokê Hevbendiyê bal kişand ku rijêm hîn bi awayekî cidî tevlî pirosesa siyasî û destûrî nabe, di dema ku şandê Desteya Danûstandinan di Komîteya Destûrî de di pêşkêşkirina pêşniyarên rasteqîn yên dikevin gewhera pirosesa siyasî berdewam e.
Û Elherîrî daxwaz ji Nûnerê Birêtanî yê taybet bo Sûriyê kir, ku viyana Hevbendiya Niştimanî derbarê destnîşankirina nûnerekî ji Hevbendiyê re li Birîtaniya bighîne Hikûmeta Birîtanî, daku pêwendî û şopandina dozên hevbeş bi awayekî baştir xurt bibin.
Û Nûnerê Birêtanî yê Taybet bo Sûriyê, Martin Longden, tekezî li ser piştgiriya welatê xwe ji doseya lêpirsîna rijêma Elesed bi sedema berdewamiya tewanan dermafê gelê Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
