Serokê Hevbendiya Niştimanî ya Sûrî D. Nesir Elherîrî, civênek ji dûrve li gel Nûnerê Herdem yê Dewleta Kiwêtê di Netewên Yekbûyî de, Mensor Elitêbî, lidar xist, û pêre behsa dawîtirîn pêşhatên rewşa meydanî û siyasî kir, ew civîn li kenara Civata Giştî ya Netewên Yekbûyî, ya rûniştina 75an bû.
Û di Hevdîtinê de Hevrêzkarê Ofîsa Têkliyên Derve di Hevbendiya Niştimanî de Ebduehed Istêfo û Nûnera Hevbendiya Niştimanî li bal Netewên Yekbûyî, Meryem Çelebî, û Endamê Desteya Giştî Selîm Elxetîb, amade bûn.
Û Serokê Hevbendiya Niştimanî sipasiya Nûnerê Dewleta Kiwêtê kir li ser helwestên wan ên rûmetdar û piştgir ji doza gelê Sûriyê re, her weha beşdariya wê di dariştina pirojeyên biryarên di hundir Encûmena Ewlekariyê de daku derdeseriyên gelê Sûriyê sivik bikin.
Û herdû aliyan encamên gera dawîn ji xebatên Komîteya Destûrî û berdewamiya rijêmê di tevlênebûna bi awayekî cidî di gewherê birosesa siyasê de, her weha hewldanên rijîmê yên niha di warê paşxistina gihîştina rêkeftinekê li ser xiştekara gera dahatî gengeşe kirin.
Ji aliyê xwe ve Nûnerê Kiwêtê bal kişand ser ku encam ne cihên hêviyê ne, û tekezî li ser pêwîstiya berdewamiya kar ji bo gihîştina çareya siyasî li gorî biryara 2254an kir, yaku hêviyên gelê Sûrî di azadî û rûmet û demoqratiyê de pêk tîne. Jêder: Ofîsa Ragihandinê ya Hevbendiya Niştimanî ya Sûrî
