Serokê Hevbendiya Niştimanî ya Sûrî D. Nesir Elherîrî nameyek arasteyî Serokê Komîteya Lêpirsînên Navdewletî ya Serbixwe û Taybet bo Sûriyê, Paulo Sergio Pinheiro, kir, û tê de têbîniyên xwe li ser hin movikên di rapora ku Komîteyê li pêşiya Encûmena Mafên Mirovan di rola wê ya 45an de pêşkêş kiriye dan xuyakirin.
Û Elherîrî got ku Hevbendiya Niştimanî rapora we ya dawîn baş xwend, û tekez kir ku dê baştir ba ger binpêkirinên ku rijêma Elesed pêk tîne bi awayekî berfirehtir berçav kiribana.
Û got ku Hevbendiya Niştimanî pêşwaziya şopandina komîteyê ji tewanên berdewam û rêbazkirî yên rijêma Elesed û piştgirên wê pêktînin kir, ji ber ku ew tewanên cengê û tewanên dijî mirovahiyê ne, û di heman demê de daxwaz kir ku divê temînîyên li gor metirsiya van tewanên bûne hebin, û komîteyê bal kişand ser raporên rêxistina qedexekirina çekên kîmawî û Komîteya Lêpirsînan yaku ji aliyê Emîndarê Giştî ve hatiya piştrastkirin, ya tekez kirîye ku serdariya leşkerî ya bilind a rijêmê, sivîl û nexweşxane û dibistan û kampên penaberan armanc kirine.
Û Elherîrî rêzgirtina Hevbendiya Niştimanî ji karê Komîteya Navdewletî derbarê eşkerekirina rastiyê li gorî agahiyên wergirtine anî ziman, û cext li ser girigîdana Hevbendîya Niştimanî bi berdewamiya hevkarîyê li gel Komîteyê ji bo standina mafên qurbaniyan, û nehêlin sûcdar ji cezayan rizgar bibin.
Û Elherîrî di nameya xwe de bal kişand ser armanckirina sivîlan ya berdewam ji aliyê rêxistinên terorîst ve wek PKK û PYD, û got ku tewanên van rêxistinan dê hîn bêhtir nearamiyê li deverê çêbikin, û tekez kir ku Hevbendiya Niştimanî û saziyên wê yên cîbicîkar li deverên rizgarkirî pir xebatê dikin, ji bo di parastina mafên mirovan û cîbicîkirina pirensîpên serweriya yasayê de alîkar bin.
Û Serokê Hevbendiya Niştimanî ji Komîteya Lêpirsînên Navdewletî xwest ku hûrgiliyên dozên hatine destnîşankirin li Efrîn û Serê Kaniyê bidin Hevbendiya Niştimanî, daku veguhêze dadgeha niştimanî li deverên rizgarkirî, ji bo ku lêpirsîn têde çêbibin û yên berpisyar werin cezakirin, her weha kesên binpêkirin dermafê wan pêk hatine qerabo bibin.
Û tekez kir ku binpêkirinên endamin ji Artêşa Niştimanî yên behsa wan dibe, heye ku kiryarin takekesî bin û ne rêbazkirî bin, û bal kişand ku gava zaniyarî derbarê wan binpêkirinan gihîştin me, me yekser veguhestin dadgehê.
Û Elherîrî di nameya xwe de got ku berpisyariya Hevbendiya Niştimanî derbarê şoreşa me û gelê me li deverên rizgarkirî û tevaya gelê Sûrîyê û her weha derbarê me bi xwe jî, dihêle em bi hûrbînî li agahiyên di wê raporê de hatine mêze bikin
Û diyar kir ku Desteya Niştimanî bo Bergiriya Girtiyan û Mafên Mirovan û Komîteya Yasayî di Hevbendiya Niştimanî de, desteyin serbixwe û pispor in, û girêngiyê didin hevkariya li gel Komîteya Lêpirsînên Navdewletî û li ser hûrbînkirina navarokên raporan dixebitin, ji bo rastîya buyerên pêk hatibine, her weha bûyerin din ên çêbûne bêyî ku werin belgekirin bişopînin.
Jêder: Ofîsa Ragihandinê ya Hevbendiya Niştimanî ya Sûrî
