Serokê Hevbediya Niştimanî ya Sûrî, D. Nesir Elherîrî, civînek ji dûrve li gel Nûnera Dewleta Qeter li bal Netewên Yekbûyî, Balyoz Elyai Keça Ehmed Al Sanî lidar xist, û pêre li ser dawîtirîn pêşhatên rewşa siyasî li sûriyê axivî, li rex gera 75an ji civatên giştî yên Netewên Yekbûyî.
Û di hevdîtinê de Balyozê Sûriyê li Qeterê Nizar Elhirakî û Nûnerê Hevbendiyê li Emerîka Quteybe Idlibî û Nûnerê Hevbendiya Niştimanî li bal Netewên Yekbûyî Meryem Çelebî amade bûn.
Û Serokê Hevbendiya Niştimanî li ser encamên karên Komîteya Destûrî ya Sûrî piştî salekê ji avakirina wê axivî, û eşkere kir ku Sûrî bi hêvî bûn ku ev Komîte dergehê rasteqîn be bo destpêkirina pirosesa siyasî ya berdewam bi cîbicîkirina tam ji biryara 2254 re.
Û Elherîrî bal kişand ser tewan û binpêkirinên mezin yên milîsên PYD li deverên bakurê rojhilatê Sûriyê pêktînin, û tekez kir ku çi çareserî li deverê çêbibin divê bidawîkirina hebûna rêxistina PKK ya terrorist li Sûriyê misoger bike, û divê pilanên wê yên metirsîdar li ser pêşeroja Sûriyê û yekîtiya xaka wê jihev bixîne.
Û bal kişand ser berdewamiya rijêma Esed di rêbazên pêkanîna tewanên metirsîdar dermafê sivîlan li Sûriyê, û berdewamiya operasyonên girtin û binçavkirina kotekî, tevî rewşa tenduristî ya xerab ji ber belavbûna vîrosa korona, û got ku rijêm di rûbirûbûna bêtara koronayê de bi ser neket, û hejmarên rasteqîn ji pêketiyan eşkere nake, û berê sûriyan daye çarenûseke.
Û Elherîrî girîngî da rewşa mirovahî ya girtiyên Sûrî di zîndana Romiyê ya Libnanî de, û bal kişand ku agahîyên bedrest behsa belavbûna vîrosa korona bi awayekî mezin di girtîgehê de kir, û tekez kir ku girtiyên Sûrî li Libnanê bi awayekî kotekî ji ber çalakiyên xwe di şoreşa Sûriyê de hatine girtin, û daxwaza piştgirî û alîkariya serbestberdan wan û veguhastina wan bo bakurê Sûriyê ji Qeterê kir.
Û Elherîrî şiroveyek li ser rewşa penaberên Sûrî yên li Somalê û Yonanistanê pêşkêş kir, û got ku penaber li Yonanistanê rastî dijminkariyên nijadperestî tên, û ew jî bû sedema awarebûna bi sedan ji wan penaberan, û hin jî ji neçariyê jiyana xwe û zarokên xwe xistin tehlûkeyê daku bighînin deverên ewle, û daxwaza alîkariya veguhastina wan bo dewletên penaberiyê yên ku ew dixwazin bighênê kir.
Û Elherîrî tekezî li ser pêwîstiya ku Netewên Yekbûyî bêhtir hêzdar be di cîbicîkirina biryarên wê de kir, nemaze biryarên ji aliyê Encûmena Ewlekariyê ya taybet bi karûbarê Sûriyê û di pêşî de biryara 2254, û destpêkirina cîbicîkirina rêşûnên avakirina baweriyê yên ku di tevaya biryaran de hatine, ew jî di riya serbestberdana tevaya girtiyên li cem rijêma Esed.
Û daxwaza bikaranîna bendê Yekîtî ji bo Aştiyê bo şiknandina vetoyê Rûsî û nehêştina bikaranîna veto di Encûmena Ewlekariyê de kir, û cextî li ser pêwîstiya qewtandina nûnerê rijêmê Beşar Elceiferî ji Encûmena Ewlekariyê kir, ji ber ku rijêm di ber kuştina bi sedhezaran Sûrî û awarebûna bi melyonan bo derveyê cih û warên xwe berpisyar e.
Jêder: Ofîsa Ragihandinê ya Hevbendiya Niştimanî ya Sûrî
