Hevbendiya Niştimanî ya Hêzên Şoreşê û Rikberiya Sûriyê tawankariyên ko derheqê sivîlên bajarê Selemiyê û bajarokê Eqarib Elsafî li gundewarê Hemayê dibin pirotesto kirin, û berpirsiyariya wan da ser milê rêjîma Esed û milîtanên Îranî yên piştgiriya rêjîmê dikin.
Di daxuyaniyekê ko îro duşembê Hevbendiya Niştimanî derêxistiye, got ku “ew tawankarî wek şanoyekê ye ku pevguhertina rolan di navbera rêjîma Esed û rêkxistina Daiş ya tirorist dijî sivîlên Sûrî heye ”, û tekez kir ko berpirsiyara tiştê ko li Sûriyê dibe dikeve ser milê rêjîma Esed û çeteyên Îranî yên piştgiriya rêjîma Esed dikin û zordariyê û tiroristî û dagîrkirinê dikin.
Hevbendiya Niştimanî destnîşan kir ku piştî kuştara bi destê rêkxistina Daiş pêk hat û hejmarek sivîl li bajarokê Eqarib Elsafî li gundewarê Hemayê berî du rojan têkçûn, û çend şehîd û birîndar ketin, bi sedema bombebarana berdewam ya li ser bajarê Selemiyê yê rojhilatê Hemayê bi mûşekên ko endamên rêkxistinê avêtine bajêr.
Daxuyaniyê bal kêşand ser ko nûçe dibêjin ku bi sedema tirsê û bêserûberiya ketiye nav sivîlan de ji ber operasiyonên belavkirina propogenda tirsandinê ya ku çeteyên rêjîmê belav dikin, derbiderî li herêmê çêbûye, her weha bang ji nexweşxanan tê kirin tako xelk xwîna xwe ji bo birîndaran bexş bikin.
Hevbendiya Niştimanî dîsa daxwaza damezirandina Hevpeymaneke navdewletî ji cîhana şaristanî kir, tako li himber rêjîma tawankar û yên piştgiriya wê dikin rabe û şerê hêzên tiroristiyê bi hemû şêweyên wê ve bikin.
Jêder: Nivîsgeha Ragihandinê ya Hevbendiya Niştimanî
