Serokê Hevbendiya Niştimanî ya Sûrî D. Nesir Elherîrî, hejmarek ji nameyan arasteyî Navenda Qiral Selman ya Hawarçûn û Karên Mirovahî û Gencîneya Qeter ya Geşepêdanê û Ofîsa Netewên Yekbûyî bo Hevrêziya Karûbarên Mirovahî kirin, ji ber nêzîkbûna werzê zivistanê û pêwîstiya dabînkirina pêdvîyên derbider û koçberên di kampan de dijîn.
Û Serokê Hevbendiyê bal kişand ser ku her sal bi destpêkirina werzê zivistanê re, derdeseriyên penaber û koçberan yên li kampên bakurê Sûriyê nû dibin, yên ku hejmara wan zêdetr ji 1160 kampî ye, û 382 kampên bêserûber di nav wan de hene, û got ku kêmtirîn mercên tenduristî û mirovahî di wan kampna de nînin, û ji salan de derdora melyon û nîvek mirovên ji ber êrîşên rijêmê reviyane di wan de dijî.
Û Elherîrî eşkere kir ku her diçe derdeseriyên koçber û derbideran zêde dibin, û rewşa mirovahî xerabtir dibe, di dema hatina sermaya dijwar û belavbûna miştûmir ya bêtara korona de, ew jî gefeke werzî ya nû ye li ser zarok û jin û kal û pîran.
Û Elherîrî daxwaz ji tevaya aliyên di nameyan de hatine kir, ku li kêleka van beşên herî hewcedar ji gelê Sûrî li hember rewşa dijwar rawestin, û xwest ku pêdviyên penaber û koçberên Sûrî bikin pêşinde.
Û Elherîrî hêviyên xwe bo alîkariya nişteciyên kampan di riya dabînkirina pêdviyên zivistanê û keresteyên germkirinê û çakkirina tora kazînan ya xirab di werzê zivistanê û serma dijwar de anî ziman, û got ku ev werz bûye cihê metirsiyê li bal Sûriyan, ji ber ku di salên bûrî de penaber û koçber rastî lêmiştên baranê û berfê hatin, û bû sedema ziyanên corbecor û dîmenin tirajîdî di bîranînên wan de hiştin.
Û Elherîrî bi navê Hevbendiya Niştimanî û gelê Sûrî silav û spasî pêşkêşî aliyên ku di warê mirovahî de alîkariya gelê Sûrî kirine ji bo kêmkirina derdeseriyên wan kir, û hêvî kir ku ev gotar bighê dilên wan kesên ku herdem di pêşiya aliyên ku alîkarî bo Sûriyên derdeseriya cengê ji salan ve dikşînin de bûn.
Jêder: Ofîsa Ragihandinê ya Hevbendiya Niştimanî ya Sûrî
