Hevbendiya Niştimanî ya Sûrî civînek ji dûrve li gel şêwirdarên siyasî yên Girupa Yekîtiya Ewropa û Dewletên 27 yên Endam di Netewên Yekbûyî de lidar xist, û bi wan re dawîtirîn pêşhatên meydanî û siyasî li ser asta doseya sûriyê û rewşa tenduristî li deverên rizgarkirî di dema zêdebûna hejmara pêketiyên vîrosa korona axivî.
Û di civînê de Serokê Hevbendiya Niştimanî D. Nesir Elherîrî, û Hevrêzkarê Ofîsa Têkliyên Derve Ebdilehed Istêfo û Endamê Desteya Giştî Dîma Mosa û Nûnerên Hevbendiya Niştimanî li Dewletên Yekîtiya Ewropa û Nûnera Hevbendiya Niştimanî li bal Netewên Yekbûyî Meryem Çelebî û Nûnerê Hevbendiya Niştimanî li Emerîka Quteybe Idlibî amade bûn.
Û Serokê Hevbendiya Niştimanî yê ku niha li baregeha hevbendiyê li bajarê Ezazê ya gundewarê Heleb ye, li ser rewşa deverên rizgarkirî axivî, û bal kişand ser ku Hevbendiya Niştimanî karê xwe veguhast deverên rizgarkirî li kêlek Hikûmeta Sûrî ya Demkî û saziyên wê yên cîbicîkar, ew jî ji bo ku rêvebiriya van deveran bikin û tevaya pêkhatên civaka Sûrî yên li wir dijîn biparêzin.
Û Elherîrî bal kişand ser ku di Roja Cîhanî ya Zarokan de nifşek bi temamî ji zarokên Sûriyê mizin bû, û ji bilî cenga berdewam ji deh salan de tiştî nizane, û got ku va cenga ku rijêmê dijî gelê sûrî pêk aniye, zarok kirin rewşin jiyaneyî pir dijwar û hêşt ku ew derdeseriyên perîşanî û birçîbûnê bikşînin, û daxwaza piştgiriya pirojeyên zarokan li deverên rizgarkirî û zêdebûna piştgiriya hawarçûn û alikariyên mirovahî ji hewcedaran re kir.
Û Elherîrî rewşa tenduristî li deverên rizgarkirî û rewşa karta bizîşkî di rûbirûbûna vîrosa korona de berçav kir, û tekezî li ser rewşa metirsîdar kir, ji ber ku pêwîstî heye ku piştgirî ji bo nexweşxane û xalên bizîşkî û tîmên bizîşkî bi tevaya amûran werin dabînkirin, daku karê xwe yî zor û dijwar berdewam bikin.
Û got ku tevaya dewletên cîhanê dijwariyeke mezin di rûbirûbûna vê bêtarê de dibînin, û got ku rewş li deverên rizgarkirî hîn dijwartir e, ji ber ku keresteyên tafîrkirinê nînin, an av û amûrên paqijkirinê tune ne, û bi ser de cihên cudakirina tenduristî kêmin an bi carekê tune ne.
Û Elherîrî li ser pirosesa siyasî axivî, û tekezî li ser pêwîstiya cîbicîkirina biryara navdewletî 2254 û bicîanîna her çar sepetên di biryarê de hatine, û pêkanîna hêviyên gelê sûrî di azadî û rûmet û demoqratiyê de kir.
Û Elherîrî li ser biryara Hevbendiya Niştimanî di avakirina Komisyona Niştimanî ya Hilbijartinan û li ser armanc û mîkanîzmên karê wê axivî, û tekez kir ku bi carekê ti hilbijartin nayên pejrandin dema ku Beşar Esed têde beşdar be.
Û Elherîrî tekez kir ku Rûsiya li ser rêbaza leşkerî ya xwîndar rijde, û bal kişand ser ku ew jî di riya gurkirina leşkerî dijî sivîlan û paşguhkirina doseya girtiyan û hewlên wê yên herdem ku rijêmê biserxîne eşkere ye, û bi ser de daxwaza Rûsiya ya dawîn derbarê lidarxistina kongirê vegera penaberan.
Û Elherîrî sipasî bo Yekîtiya Ewropa û Tirkiyê û Emerîka li ser redkirin û beşdarnebûna wan di kongirê de pêşkêş kir, û cext kir ku vegera penaberan bi carekê çênabe berî ku jîngeheke aram dabîn bibe, û vegera ji ber xwe misoger dibe, û pêkanîna vaguhîza siyasî ya tam di bin serpereştiya Netewên Yekbûyî de be.
Û Endama Hevbendiya Niştimanî û Endama Komîteya Dsetûrî ya Sûrî, Dîma Mosa, şiroveyek li ser pêşhatên Komîteya Destûrî ya Sûrî û gera çaremîn ya ku dê di kanûna dahatî de lidarkeve pêşkêş kir, û tekezî li ser pêwîstiya dabînkirina jîngeheke aram û cîbicîkirina biryara 2254 û pabendiya bi yekîtiya xaka Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
