Cîgira Serokê Hevbendiya Niştimanî ya Sûrî Ruba Hebûş, tekez kir ku rijêma Esed Sûriya kiriye devereke diyar li ser asta cîhanê ji bo bikaranîna tundûtûjîyê dijî jinê, di riya kiryarên tawana rêbazkirî re yaku hêzên wê ji sala 2011an de pêktînin.
Û Hebûş bi boneya helkefa roja navdewletî bo nehêlana tundûtûiya li dijî jinê, got ku jina Sûrî hîn derdeseriyên Tundûtûjiya ku rijêma Esed bi cenga li dijî wan û gelê Sûrî ragihandiye ji roja ku dengê xwe bilind kirine û daxwaza azadiyê kirine ji destpêka birêketina şoreşê de dikşîne, û rijêma Esed bi dehhzaran jin kuştine, û toreyên mafnasî nêzî 30 hezar keç û jinan ji wan belge kirine.
Û Cîgira Serokê Hevbendiyê tekez kir ku rijêma Esed dê nikarîba tevaya van tewanan pêk bianîna ger Rûsiya û Îran pê re ne hevpişik bana, û bi ser de Rûsiya herdam astengî xistin Encûmena Ewlekariyê di riya VETO re.
Û Heboş xwest ku xebatin cidî ji aliyê civaka navdewletî de bibin, daku vê rijêmê û siponserên wê di tewanên xwe yên dijî gelê sûrî bi giştî û kiriyarên tundûtûjiyê dijî jinan bi taybetî rawestînin, û got ku ta niha bi dehhezaran jin di girtîgehên rijêmê de hene, û ew derdeseriyên cûrbecûr awayên tundûtûjiya govdeyî dikşînin, û ji saziyên navdewletî tê xwestin ku liveke cidî bikin, daku di serbestberdana wan ji zîndan û girtîgehên Esed beşdar bin.
Û Hebûş tekez kir ku çênabe em tundûtûjiya dijî jinê çendî hindik be jî hêsan bibînin, û em tevaya cure û astên wê red dikin, ji ber ku mijar bi pirensîpê ve girrêdayî ye ne bi qebareyê ve, lê mijûlbûna saziyên navdewletî bi tundûtûjiya bi peyvekê an gotinekê û di heman demê de derbarê kiryarên tundûtûj ji aliyê dezgehên ewlekarî yên rijêma Esed dijî jinê bêdeng dimînin, rastiyeke û dibe ku ew tişt rastgoya van saziyan nehêle.
Û Cîgira Serokê Hevbendiyê got ku tundûtûjiya rijêma Esed û siponserên wê ne tenê kiryarên yekser wek bombebaran û rûxandina bajar û gundan û îşkenceya di zîndanan de ye, lê bandora wê ya bobelatî hişt ku bi melyonan jin bibin koçber û derbider û penaber, û gelekan ji wan şûna zilamên xwe girtin piştî kuştin an girtina wan û bûn berpisyar di ber malbat û zarokan de li gel rewşa jiyanê ya dijwar û nemaze di kampan de, û bi keysbazî serederî li gel gelek ji wan hatiye kirin .
Û Cîgira Serokê Hevbendiya Niştimanî tekez kir ku jina Sûrî tevî van astengiyan û tiştê bi ser de hatiye, lê hîn jî sitûnekî bilind e di avakirina vê şoreşê de, û dê her hîmeke rasteqîn be û nahêle bi hezarên malbatan hilweşin an bikevin, û dê penageha aramiyê û hêviya yekta be bo nûavakirina civaka sûrî û hûnandina tevna wê ya lihev, û dê hevbeşeke çalak be di Sûriya nû de.
Jêder: Ofîsa Ragihandinê Ya Hevbendiya Niştimanî Ya Sûrî
