Tora Sûrî ya Mafên Mirovan, bi boneya Roja Navdewletî ya Têkoşîna li dijî tundûtûjiyên li ser Jinan, di rapora xwe ya salane de derbarê binpêkirina mafên jinan li Sûriyê, diyar kir ku ji Adara 2011an de bêtir ji 28 hezar jin li Sûriyê hatine kuştin.
Û raporê eşkere kir ku 28405 jin ji adara sala 2011an de li Sûriyê ta çirya paşî 2020an hatine kuştin, 21943 jê li ser destê rijîmê bûn, 1579 li ser destê hêzên Rûsî, 980 li ser destê rêxistina Daişê, 82 li ser destê Heyet Tehrîr Elşam, 254 jin li ser destê milîsên PYD, her weha 960 jin ji ber êrîşên Hevpeymana Navdewletî canê xwe jidest dan, û 2607 jin li ser destê hêzên leşkerî yên dîtir hatine kuştin.
Û raporê zelal kir ku ne kêmtir ji 10556 jinan hîn ta niha di girtîgehan de ne an di rewşa Binçavkirina kotekî de ne li ser destên hêzên cûrbecûr li Sûriyê, 8474 jê li ser destê hêzên rijêmê û 44 li ser destê Heyset Tehrîr Elşam û 866 li ser destê milîsên PYD û 896 li ser destê aliyên leşkerî yên din girtî ne, û 276 li ser destê rêxistina Daişê berî ku lewaz bibe hatibûn girtin û hîn jî di rewşa binçavkirina kotekî de ne ta roja îro 25 çiriya paşî 2020.
Û raporê bal kişand ser ku jinên girtî rastî destdirêjiyên cinsî hatine, û raporê texmîn kir ku hêzên rêjîma Esed ne kêmtir ji 8021 bûyerên destdirêjiyên sêksî pêk anîne, derdora 879 bûyeran di navendên girtinê de çêbûne, û ne kêmtir ji 443 tudûtûjiyên sêksî dermafê keçên ku temenê wan kêmtir ji 18 salan e pêk hatine.
Raporê daxwaz ji civaka navdewletî kir ku pêwîste ew parastin û arîkariyê ji jinên ku bi kotekî aware bûne û yên hatine derbiderkirin û koçberkirin re dabîn bike, nemaze yên hîn zarok in û guhdanê bidin hewcedariyên wan yên taybet di warê parastinê de, û berpirsiyariyên xwe bicîh bînin, û rijêma berpisyar siza bikin û kiryarên wê riswa û eşkere bikin, û her xebatê ji bo sivikkirin û rawestandina wan êşan bikin.
Jêder: Ofîsa Ragihandinê Ya Hevbendiya Niştimanî Ya Sûrî
