Hevrêzkarê Ofîsa Revendan ya Hevbendiya Niştimanî ya Sûrî, Mihemed Yehye Mektebî, rapora xebatên ofîsê yên du heyvên bûrî li pêşiya Desteya Giştî a gera 54emîn pêşkêş kir, û têde li ser çalakiyên ofîsê di şopandina karûbarê Revendên Sûrî li welatên cûrbecûr axivî.
Û Hevrêzkarê Ofîsa Revendan anî ziman ku Ofîs di pêwendiyên li gel hemû Revendên Sûrî berdewam e, nemaze Revenda Sûrî li Emrîka û hevrêzkariya li gel wê di dema rêvebiriya Emrîkî ya nû de, daku komikên fişarê û piştgiriyê bo doza gelê Sûrî û xebatên ji bo gihîştina çareya siyasî ava bike, ji bo derdeseriyên gelê Sûrî bidawî bike, û kar bo avakirina dewleteke cihê diktatoriyetê têde tune be bike.
Û Mektebî tekez kir ku çalakiyên dawîn yên ku Ofîsê li gel hejmarek ji Revendên Sûrî re lidar xistine bi berhem û erênî bûn, û guvaş dan ser pêwîstiya cîbicîkirina biryarên navdewletî bo pêkanîna hêviyên gelê Sûrî di azadî û rûmet û veguhêza demoqratîk de.
Û raporê giringî da pêwîstiya rabûna sûriyan li welatên penaberiyê bi alêkariya birayên xwe yên li hundirî welêt, û li welatên lê bûne penaber jî alîkariya hevdû bikin.
Û rapora Ofîsê bal kişand ser ku di tevaya hevdîtinên xwe yên dema bûrî de ofîsê cextî li ser pêgiriya Hevbendiya Niştimanî bi çareya siyasî li Sûriyê dike, ew jî li gorî biryarên navdewletî nemaze daxwiyaniya Cinêvê û herdû biryarên 2018 û 2254.
Jêder: Ofîsa Ragihandinê ya Hevbendiya Niştimanî ya Sûrî
