Serokê Hevbendiya Niştimanî ya Sûrî, D. Nasir Elherîrî, peyamek arasteyî Emîndarê Giştî yê Netewên Yekbûyî, Antonio Guterres kir, derbarê pabendiya Netewên Yekbûyî û dewlet û saziyên endam têde daku ti piştgiriyê nedin saziyên bi ser rijêma Esed ve.
Û Elherîrî di peyama xwe de got ku Hevbendiya Niştimanî Emîndarê Giştî û sazî û endamên di Netewên Yekbûyî de bi rijdî han dide se guhdana pêhtir û hûrbîn bi Raghandina Cîhanî ya Mafên Mirovan û Peymana Netewên Yekbûyî û pabendiya bi tevaya mafên nîşankirî yên dewletên endam derbarê nehiştina pêşkêşkirina piştgiriyê bo saziyên girêdayî bi dewletên karên tundiyê pêk tînin û komkujiya çêdikin û welatan wêran dikin.
Û Elherîrî got ku Hevbendiya Niştimanî bi rengekî yekser çi piştgiriyê bo rijêma Esed şermezar dike, û daxwaza rawestandina çi piştgiriyên bo rijêmê bi çi awayî be ji dewletên endam kir, her weha xizmet û saziyên ku rijêmê damezrandine an rijêm piştgiriya wan dike an yên bi rijêmê ve girêdayî.
Û Elherîrî bal kişand ser sizayên hin dewletên endam wek Yekîtiya Ewropa û Emerîka, û got ku bêhtirê pergalên biyanî kiryarên rijêma Esed şermezar dikin, lê bêyî ku rijêm ti sizayan bibîne, û tekezî li ser pêwîstiya ku Netewên Yekbûyî bi awayekî tam û piratîkî biryaran dijî rijêmê bistîne kir.
Û nameyê bal kişand ser pêwîstiya rawestandina hevkariyê di navbera dezgeha Yonisko û Gencîneya Sûrî ya Geşepêdanê yaku Esmai Esed serokatiya wê dike, û dît ku lidarxistina çi têkliyê li gel gencîneyê tê wê wateyê ku wêrankirina çandî û mirovî ya bobelatî dermafê gelê sûrî tête pejrandin, ji ber ku bi awayekî yekser ew rikberî xebat û pirensîpên Yonisko û pirensîpên di peymana Netewên Yekbûyî de hatine ne.
Û nameyê tekezî li ser pêwîstiya rawestandina kmpaniya balefiriyê a binavê Ecnihet Elşam ya girêdayî rijêmê ji aliyê Netewên Yekbûyî ve kir, di warê gihandina alîkariyên mirovahî de, ji ber ku Netewên Yekbûyî ji berê de tekez kiriye ku ev kampaniya şervan û çekan ji rijêmê re vedughêze, û Hevbendiyê dît ku ev tişt gefê dide duristiya Netewên Yekbûyî ji ber ku alîkariyê bi hin aliyên desthilat re dike, û ew alî jî tevlî binpêkirin û wêrankirina komeleyî yên berdewam bûne.
Û Serokê Hevbendiya Niştimanî ya Sûrî di nameya xwe de got ku guhnedan û teqînekirina guncaw bo aliyên ku Netewên Yekbûyî herdem pêre dide û distîne tête wateya ku kiryarên rijêma Esed ya zordar dermafê gelê sûrî pejrandî ne.
Û Elherîrî careke din daxwaz ji Emîndarê Giştî û şandên Netewên Yekbûyî kir ku çi girêdanên li gel rijêma Esed divê werin hilanîn, û xwest ku çi sazî an ajansên ku rijêm piştgiriya wan dike endamtiya wan bavêje, wek Gencîneya Sûrî ya Geşepêdanê, û nehêle ku ew xwe pêşkêşî çi xelatê ji xelatên Netewên Yekbûyî bikin.
Û xwest ku danûstandinên bi çi sazî û kampaniyên girêdayî rijêma Esed neke, an çi têkliyên ku dê bête fêmkirin ku wêrankirina berdewam yaku rijêma Esed û hevalbendên wê pêk tîne têne pejrandin.
Û Elherîrî tekez kir ku çareya siyasî ya domdar li sûriyê tenê di riya avakirrina desteya hukumê veguhêz bi hemû karînên wê yên cîbicîkar li gor biryarên Encûmena Ewlekariyê û nemaze Daxwiyaniya Cinêvê û biryara Netewên Yekbûyî 2254.
Jêder: Ofîsa Ragihandinê Ya Hevbendiya Niştimanî Ya Sûrî
