Ofîsa Revendan ya Hevbendiya Niştimanî ya sûrî, civînek ji dûrve li gel endamin ji Encûmena Revenda Sûrî li Danîmarkê û hejmarek ji kesayetên malbatên sûrî yên ku biryara derxistinaa wan ji aliyê Danîmarkê ve derketiye lidar xist, û bi wan re rewşa sûriyan li Danîmarkê û rêyên rûbirûbûna biryarên bidûrxistinê yên ku Hikûmeta Danîmarkî dermafê hejmarek ji malbatên sûrî derxistiye axivî.
Û di civînê de Serokê Hevbendiya Niştimanî D. Nesir Elherîrî û Hevrêzkarê Ofîsa Revendan Mihemed Yehya Mektebî û Hevrêzkarê Ofîsa Pêwendiyên Derve Ebdilehed Istêfî amade bûn.
Û Endamên Revenda Sûrî li ser pêşhatên biryarên Hikûmeta Danîmarkî derbarê bidawîkirina dema niştecîbûna hejmarek ji malbatên sûrî û fişarên li ser wan çêdibin ji bo ku vegerin sûriyê axivîn.
Û amadebûyan li pirsên hejmarek ji malbatên ku biryar dermafê wan derketiye guhdarî kirin, û wan kesan li ser fişar û rêşûnên astengkirinê yên ku rastiyê tên axivîn, nemaze tiştê ku rêvebiriya koçberiyê di riya kişandina kaxesên niştecîbûnê ji wan penaberan û xistina wan di hundir kampin cudakirî de pê rabûye, wek rêxweşkirinê ji bo ku pirosesa şandina sûriyê cîbicî bibe.
Û Elherîrî şiroveyek li ser tiştê ku Hevbendiya Niştimanî pê radibê ji bo nehêlana cîbicîkirina vê biryarê , da Hikûmeta Danîmarkê ji vê biryarê vegere pêşkêş kir, û tekez kir ku tiştê ku Danîmark pê radibe dijî biryarên navdewletî yên girêdayî bi sûriyê ye, her weha berovajî rêkeftinên taybet bi parastina penaberan li seranserî cîhanê ye.
Û Endamê Revenda Sûrî li Danîmarkê, Hazim Elxanî, diyar kir ku Danîmark di nirxanidina xwe de yaku li gor wê dîtiye ku Şam û gundewarê wê deverin aram in, xwe spartiye 12 jêderan, û got ku 11 jêderan ji wan nerazîbûna xwe derbarê hevpeyvênên bi wan re lidarketine anîn ziman, û gotin ku li gor îdyolojiya partiyên rastperest yên dijî penaberan agahî ji nav wan hevdîtinan birine û pêşkêş kirine, bêyî ku cudahiyê têxin navbera penaberê rikberê rijêmê û penaberê wek alîgir ji rijêma Esed re.
Û Elxanî eşkere kir ku Danîmarkê biryarên bidûrxistinê yekser dernexistine, lê wê kaxesên niştêcîbûnê ji hejmarek ji malbatên sûrî kişandine, ew tişt jî bû sedema ku ji mafê kar û fêrkirinê bêpar bimînin, û wan di kampên taybet de bicî bikin, bi armanca ku fişarê li wan penaberan bike daku vegerin sûriyê.
Û Elxanî dît ku tiştê dibe wek destpêkê ye bo biserxistina rijêma Esed ya tawanbar, û Elxanî bang li rayedarên Hevbendiya Niştimanî kir ku hemû karînên xwe bo rawestandina biryarên Danîmarkê bikin.
Û ji aliyê xwe ve endamê revendê parêzer Mihemed Bertawî li ser guhertina ku Danîmarkê di siyaseta xwe ya dana mafê niştecîbûnê de çêkiriye axivî, û got ku wê siyasetê hişt ku kaxezên niştecîbûnê ji hejmarek ji malbatên sûrî bête kişandin, û dît ku ev tişt dijî yasaya navdewletî û rêkeftinên navdewletî yên girêdayî bi penaberan in.
Û Bertawî daxwaza livike lezgîn ji Hevbendiya Niştimanî kir, ji bo ku Hevbendî bi komosyona Penaberan û Yekîtiya Ewropa û Wezareta Derve ya Danîmarkê û Balyozxaneya Danîmarkê li Tirkiyê re biaxive, daku vê bobelata ku dê ziynê bi malbatên sûrî yên ku mafê niştecîbûnê ji wan hatiye kişandin bigihîne rawestîne.
Jêder: Ofîsa Ragihandinê ya Hevbendiya Niştimanî ya Sûrî
