Bi hevrêzkariya Ofîsa Revendan li gel Revenda Sûrî li Danîmarkê, Serokê Hevbendiya Niştimanî ya Sûrî D. Nesir Elherîrî peywendiyeke dîtber li gel hin kesan ji revenda sûrî ya Danîmarkê yên ku rawestanek li pêşiya perlemanê Danîmarkê li lidar xistine, wek redkirinê ji biryara bidawîkirina kaxezên niştecîbûnê ji aliyê Danîmarkê ve demafê hin sûriyan.
Û Serokê Hevbendiyê D. Nesir Elherîrî, silav li xwepêşanderên sûrî yên li pêşiya Qonsulxaneya Danîmarkê civiyane kir, û rêzgirtin û bilindnirxandina xwe ji Şadî Elhemewî û lawê wî Usame diyar kir, yên ku girava birçîbûnê ragihandine, wek hevkarî li gel sûriyên li Danîmarkê, tevî ku ew bi xwe penaberên siyasî ne li Danîmarkê û biryara Danîmarkê ya nû ziyanê naghîne wan, û tekez kir ku ev hevkarî nîşana resenî û kûrbûna têkliyê di navbera sûrîyan de ye.
Û Serokê Hevbendiyê cext kir ku rijêm hîn di pêkanîna tawanan de li deverên di bin kontirola wê de berdewam e, û dawîtirîn binpêkirin operasyona koçberkirina xelkê Qinêtirê bû, û got ku deverên di bin kontirola rijêmê de bi bêserûberiyê û girtin û kuştin û nearamiyê tijî ne, û tekez kir ku raporên dibêjin ku deverên rijêmê aram in derew in, ji ber ku raporên navdewletî tekez dikin ku deverên rijêmê nearam in, û tawan têde domdar in.
Û Doctor Nesir Elherîrî tekez kir ku Hevbendiya Niştimanî vê doseyê li gel Hikûmeta Danîmarkî û Yakîtiya Ewropî û saziyên navdewletî dişopîne, nemaze li gel Dadgeha Navdewletî ya Mafên Mirovan, daku kaxezên niştecîbûnê bo penaberên ku ji welatên xwe hatine koçberkirin nû bike.
Û Hevrêzkarê Ofîsa Revendan Mihemed Yehya Mektebî got ku ev hevdîtin xelekek ji zincîrek ji hevdîtinên berê ye li gel Revenda Sûrî ya Danîmarkê, wek şopandinê ji vê dozê re, ji ber ku Hevbendî guhdar e ku alîkariyên pêkan pêşkêş bike, daku astengiyên rastî sûriyan tên kêm bike.
Tê zanîn ku Hikûmeta Danîmarkî biryarek derxist têde mafê penaberiyê ji hin sûriyên li wir bûne niştecî distîne, ji ber dibîne ku deverên di bin kontirola rijêmê de ewle ne, û ji aliyê xwe ve saziyên mafnasî hişyarî dan ku heye vegerandina wan bo deverên di bin kontirola rijêmê de bibe sedema ku ew rastî girtin û mirinê werin.
Jêder: Ofîsa Ragihandinê ya Hevbendiya Niştimanî ya Sûrî
