Serokê partiya hêzên Libnanê Semîr Ce’ce’h, hizibulah gunehbar kir bi êşandin û gihandina ziyanan ji artêşa Libnanê re bi rêka hemhengiya wê ligel rijêma Esed di şerên derxistina rêxistina DAIŞê ji Libnanê.
Ce’ce’h bêzariya xwe diyar kir ji bikaranîna “fayilê serbazên revandî wek kaxezeke fişarê li ser hikûmetê ji bo pêkanîna gotubêjên fermî û eşkere ligel rijêma Beşar Esed”.
Serokê hêzên Libnanê redkirina xwe ya bicarekî tekez kir li hember her rêkeftinekê ligel “rijêmekê ku bi kêmayî tu dikare bêje ku ew ji DAIŞê DAIŞtir e” wek amajepêkirinekê ji aliyê wî bi rijêma Esed.
Ji aliyê xwe ve, wezîrê Libnanê yê berê Eşref Rîfî li ser malperên enternêtê gotibû ku “rizgariya rasteqîn bi girtina kujerên serokê şehîd Refîq Elherîrî destpê dike “, û Rîfî daxwaza bêçek-kirina hizibulah û sercem milîsan kiribû.
Herwiha Rêfî daxwaz ji sikirtêrê hizibulah Hesen Nesirlah kiribû ku ” pêşî danpêdanê bi dewleta Libnan bike, berî ku daxwaza têkiliyan ligel rijêma kujer ya Bişar Esed bike“.
Û wezîrê perwerdeyê Merwan Himadê dît ku “karê ku niha dibe armanc jê vegerandina rijêma Esed e ji bo derbasî qada Libnanê bibe”, û got ku ” şerma mezin ew e ku hizibulah yariyê bi çarenivîsa dîlên Libnanî bike, da ji Lubanê re bête gotin , yan wê ev qehreman şehîd bibin û yan jî wê bi rêka rijêma Esed vegerin“.
Hêjayê gotinê ye ku “Rewta paşerojê” ya bi serokatiyê serokwezîr Se’id Elherîrî pêr di daxuyanekê de bersiva Hesen Nesirlah dabû û gotibû: “ew doseya çarenivîsa serbazên revandî bikar tîne ji bo bazaran ligel hikûmeta Libanê bike, ji bo encamdana danustandinan ligel DAIŞ bi hemahengiyek mikum ligel rijêma Esed“.
Jêder: Ofîsa Ragihandina Hevbendiya Niştimanî/ Elheyat
