Serokê Hevbendiya Niştimanî ya Sûrî, Salim Elmslit, bi “Elcebhe Elweteniyê Liltehrîr” li navçeya Cindirêsê ya gundewarê Efrînê bi amadebûna hejmarek ji herdû Desteyên Siyasî û Giştî û Wezîrê Bergiriyê Lîwa Selîm Idrîs û encumenên xwecihî li Efrînê û desteyên siyasî û çalakiyên sivîl re civiya.
Û Serokê Hevbendiya Niştimanî, tekezî li ser giringiya hevdîtinê û berdewamiya hevkarî û hevrêziyê bo çakkirina ketwarê deverên rizgarkirî kir, daku asta xizmetguzariyê lê bilind bikin, û armancên gelê Sûrî û hêviyên wî yên azadî û rûmet û demoqrasiyê pêk bînin.
Û Elmislit cext kir ku Hevbendiya Niştimanî piştgiriya karê tevaya saziyên cîbicîkar li deverên rizgarkirî dike, û tekezî li ser pêwîstiya karê yekdest kir, ji ber ku hemû kesên ku di vê saziyê de nûnertiya tevaya sûriyan dikin hevpar in, û kar li ser pêkanîna daxwazên wan dikin.
Û Elmislit pesnê karê Artêşa Niştimanî ya Sûrî da, û got ku ez şanaziyê bi hemû ciwanên Artêşa Niştimanî û her kesê ku li hember rijêma tawanbar û milîsên wê şer kiriye û jiyana xwe bo rûmeta welat û xelkê xwe terxan kiriye tînim ziman, û got ku divê em bi hev re li ser duristkirina şaştiyan û yekrêzî û yekîtiya alê di hundir yek rayedariyê û yek nerînê de bo Sûriyê kar bikin.
Û Elmislet şiroveyek li ser pêşhatên pirosesa siyasî û pêwendiyên navdewletî yên ku Hevbendiya Niştimanî pê radibe bo rawestandina tawanên rijêmê li Idlib û Deraa pêşkêş kir.
Û ji aliyê xwe ve Wezîrê Bergiriyê Lîwa Selîm Idrîs, tekezî li ser amadebûna Artêşa Niştimanî ya Sûrî li hember çi dijminkariyên ku li ser sivîlan pêk werin kir, û bal kişand ser ku bidestxistina rahînanên nûjen hîn berdewam e, daku endam pisporiyê werbigrin, û yasaya navdewletî û yasaya navdewletî ya mirovahî binasin.
Û amadebûyan behsa giringiya karê li ser nêzîkbûna di navbera welatiyan de li tevaya deverên rizgarkirî kiri, daku pêdviyên wan nas bikin, û nêzî hev bibin, û kar li ser çakkirina ketwar û debara jiyanê û xizmetkariyê û ewlehiyê bikin.
Jêder: Ofîsa Ragihandinê ya Hevbendiya Niştimanî ya Sûrî
