Şandê Hevbeş ê Hevbendiya Niştimanî ya Sûrî û Desteya Danûstandinê ya Sûrî li Emrîka, li Gel Şandê Danîmarkê li Netewên Yekbûyî li rex civatên Komeleya Giştî ya Netewên Yekbûyî civiya, û di hevdîtinê de behsa pêşhatên rewşa meydanî û pirosesa siyasî li Sûriyê kirin.
Û Serokê Hevbendiya Niştimanî, Salim Elmislit, û Cîgirê Serok Ebdilehed Istêfo, û Endamê Desteya Siyasî û Serokê Ofîsa Têkliyên Derve di Desteya Danûstandinê de Bedir Camûs, û Endama Hevbendiya Niştimanî Dîma Mosa, û Cîgirê Emîndarê Giştî yê Karûbarê Derve di Şandê Danîmarkê de Christina Marcus Lasin beşdar bûn.
Û Şandê Hevbeş rewşa meydanî li Sûriyê û berdewamiya bombebarana zemînî û asîmanî ji hêla rijêma Esed û piştgirê wê ve dermafê deverên rizgarkirî bêyî ku çi rêzê ji rêkeftinên kêmkirina şer re bigre şirove kir.
Û Şandê Hevbeş, tekezî li ser pêwîstiya pêşkêşkirina piştgiriya siyasî bo gelê Sûrî ji bo pêkanîna veguhestina siyasî kir, li gor biryarên navdewletî û di pêşî de daxwiyaniya Cinêvê û herdû biryarên 2118 û 2254.
Û Şandê Hevbeş cext kir ku alîkariyên mirovahî tenê têrê nakin, bo çareserkirina bobelata mirovahî ya ku gelê Sûriyê ji deh salan de tê de dijî, bi sedema tawanên rijêmê û siyasetên wê yên li ser kuştin û koçberkirin û guhartina demografî ava bûne.
Û Şandê Hevbeş hişyarî ji pêngavên normalkirina têkliyan li gel rijêma Esed yaku hin dewletan dest pê kirine da, û tekez kir ku biserxistina rijêmê piştî kuştin û girtin û koçberkirina bi melyonan Sûrî kiryarekî ne sincî ye, û her kesê bi wê yekê razî bibe, dibe hevpişkê rijêmê di tawanan de, û daxwaza hevkariya navdewletî kir ji bo piştgiriya sizakirina Navdewletî bo tawanbarên rijêmê û sembolên wê, û pêkanîna liveke cidî bo veguhestina siyasî li Sûriyê.
Û Cîgirê Emîndarê Giştî yê Karûbarê Şandê Danîmarkê, tekez kir ku doza Sûriyê bêyî cîbicîkirina biryarên navdewletî, nemaze biryara hejmar 2254an, û tevlêbûna aliyên têkildar di pirosesa siyasî ya rasteqîn de, çareser nabe, û hêviyên xwe anîn ziman ku lihevkirinek bo lidarxistina gereke nû ya Komîteya Destûrî ya Sûrî çêbibe.
Û bal kişand ser ku Danîmark ji dewletên ku di pêşkêşkirina piştgiriya mirovahî bo gelê Sûrî û piştgiriya maf û daxwazên gelê Sûrî de ranewestiyaye.
Jêder: Ofîsa Ragihandinê ya Hevbendiya Niştimanî ya Sûrî
